Ko Hoku Uiuiʻi ko ha Sekelitali ʻo e Lautohi Faka-Sāpaté

Ngaahi Fatongiá

ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ki hoʻo uiuiʻí.

Taumuʻa ʻo e Lautohi Faka-Sāpaté

ʻOku tokoni ʻa e Lautohi Faka-Sāpaté ki hono fakahoko ʻa e ngāue ʻa e ʻOtuá ki he fakamoʻuí mo e hakeakiʻí. ʻOkú ne fakahoko ʻeni ʻaki hono tokoniʻi e fānau ʻa e ʻOtuá ke nau ako mo moʻui ʻaki e ongoongolelei ʻo Sīsū Kalaisí (vakai, Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 13.1).

Kau Palesitenisī mo e Sekelitali

Ko e fatongia ʻo e palesiteni ʻo e Lautohi Faka-Sāpaté hono tokangaʻi ʻa hono ako mo akoʻi ʻo e ongoongoleleí ʻi ʻapi pea ʻi he lotú. ʻE tokoni kiate ia ʻa hono ongo tokoní. ʻE lava ke tokoni ʻa e sekelitalí ki he kau palesitenisií ʻi hono muimuiʻi ʻa e ngaahi fatongiá mo e maʻulotú (vakai, 13.2.2.2).

Ngaahi Kalasi ʻi he Sāpaté

ʻOku fakahoko ʻa e ngaahi kalasi Lautohi Faka-Sāpaté ʻi he Sāpate ʻuluaki mo e Sāpate tolu ʻo e māhiná. ʻE kehekehe pē ʻa e tokolahi ʻo e kalasí ʻo fakatatau mo e ngaahi fiemaʻu ʻa e uooti takitaha (vakai, 13.3). ʻOku fakaʻaongaʻi ʻe he kau faiako Lautohi Faka-Sāpaté ʻa e folofolá, ngaahi lēsoni kuo fakataimi-tēpileʻi ʻi he Haʻu, ʻo Muimui ʻIate Aú, mo e ngaahi lea ʻa e kau palōfita ʻo onopōní ko ʻenau tefitoʻi maʻuʻanga tokoni ki he faiakó.

Ako ʻOku Fakatefito ʻi ʻApí

ʻOku ʻa e ngaahi mātuʻá ʻa e fatongia ke akoʻi e ongoongoleleí ki heʻenau fānaú (vakai, 13.5). ʻE poupouʻi ʻe he kau faiako mo e kau taki ʻo e Lautohi Faka-Sāpaté ʻa e kāingalotú ke nau feinga ke maʻu haʻanau ueʻi fakalaumālie ʻanautolu pē fekauʻaki mo e founga ke nau ako mo akoʻi ai ʻa e ongoongoleleí ʻi honau ngaahi ʻapí (vakai, 17.2).

Fakataha Alēlea ʻa e Kau Faiakó

ʻE lava ke tokoni ʻa e sekelitalí ki he palesiteni ʻo e Lautohi Faka-Sāpaté ke fokotuʻutuʻu mo fakahoko fakakuata ʻa e ngaahi fakataha alēlea ʻa e kau faiakó mo e ngaahi fakataha alēlea ʻa e kau faiakó maʻá e mātuʻá.

Ngaahi Fakahinohinó mo e Ngaahi Tuʻutuʻuní

Kuo pau ke fakakakato ʻe he kakai lalahi kotoa pē ʻoku ngāue mo e toʻu tupú ʻa e ako ki hono maluʻi ʻo e fānaú mo e toʻu tupú, ʻi loto he māhina ʻe taha mei honau hikinimaʻí (ProtectingChildren.ChurchofJesusChrist.org ʻOku maʻu ha ngaahi fakahinohino lahi ange ki he Lautohi Faka-Sāpaté ʻi he konga 13.7 ʻo e Tohi Tuʻutuʻuni Fakakātoá.