Tekivu Rawa
“Na ka wale sara ga e kerea o Koya mo ni solia na nomuni igu vinaka duadua kei na lomamuni taucoko. Cakava ena yalomarau kei na masu ni vakabauta.” —Peresitedi Henry B. Eyring1
Keitou sureti kemuni moni tekivuna na nomuni veikacivi vou ena veitokoni kei na veivakauqeti sa vakarautaka tu vei kemuni na Turaga. E rawa ni vakayacori oqo ena ciqomi ni rua na veisureti oqo me cakacakataki.
Matai, masu. Masulaki ira o liutaka. Masulaki ira o qarava. Masulaka vakawasoma na madigi, veiciqomi, kei na veivakalougatataki. Vakararavi vakalevu vua na Turaga ena vakalougatataki iko o Koya ena nomu veikacivi.
iKarua, mo tokoni ka vakatikori me baleta na nomu ilesilesi vou. Na ikalawa bibi oqo e solia vei iko na lewa ni matabete mo cakacaka ena nomu veikacivi. Mai na lewa oqo, sa rawa mo ciqoma na veivakalougatataki kei na veivakauqeti ena Veidusimaki ni Yalotabu vei ira o liutaka ka qarava.
Tomana tiko na iwase ni iTavi me raici vakararaba na nomu veikacivi.