My Roeping as ʼn Wyksbegeleier
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede van jou roeping.
Die Doel van Musiek in die Kerk
Gewyde musiek verhoog geloof in Jesus Christus. Dit nooi die Gees uit en onderrig leerstellings. Dit skep ook ʼn gevoel van eerbied, verenig lede en bied ʼn manier om Hemelse Vader en Jesus Christus te aanbid. Die Here het verklaar: “My siel verheug hom in die lied van die hart” (Leer en Verbonde 25:12). (Sien Algemene Handleiding: Diens in Die Kerk van Jesus Christus van die Heiliges van die Laaste Dae, 19.1.)
Wyksbegeleier
Die wyksbegeleier help wykslede om hulle geloof in Jesus Christus te verhoog deur middel van gewyde musiek. Hulle verskaf voorspel- en naspel-musiek en begeleiding vir gesange tydens nagmaaldienste en ander wyksvergaderings soos versoek. Indien nodig, kan die begeleier ook die koor begelei of as Primêre Organisasie-pianis dien. (Sien 19.4.3.2).
Musiek vir Kerkvergaderings
Inspirerende musiek is ʼn noodsaaklike deel van ons kerkvergaderings (Hymns [Gesange], Eerste Presidensie Voorwoord). Musikale seleksies moet die evangelie met krag en duidelikheid onderrig (sien 19.3.1).
Musiek vir die Nagmaaldiens
Musiek in die nagmaaldiens sluit in die sing van gesange om die vergadering te begin en af te sluit en voor die bediening van die nagmaal. Nagmaaldienste kan ook een of meer bykomende gesange of musikale aanbiedings insluit. Gesange of ander gewyde musikale seleksies kan vir voorspel- en naspel-musiek, koormusiek en solo- of klein groepaanbiedings gebruik word. (Sien 19.3.2.)
Opleiding en Hulpbronne
Vir detail oor musiekopleiding, sien afdeling 19.6 van die Algemene Handleiding. Indien geen begeleier vir wyksvergaderings beskikbaar is nie, sien afdeling 19.4.3.2 vir toegang tot begeleiding wat opgeneem is.
Riglyne en Beleide
Vir bykomende beleide en riglyne soos die verkryging van musiek, gebruik van byeenkomplek-instrumente vir oefening of gemeenskapskore, sien afdeling 19.7 van die Algemene Handleiding.