Mwioko

E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.

Bonganan te Katangitang n te Ekaretia

Anene aika a tabu a karikirakea ara onimaki iroun Iesu Kristo. E karokoa te Tamnei ae Raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo. E taku te Uea, “Bwa e kimwareirei tamneiu n te anene man te nano” (Reirei ao Berita aika Tabu 25:12). (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 19.1.)

Te Tia Katangi Bwain Katangitang n te Uoote

Te tia katangitang n te uoote e buokiia membwa ni karikirakea aia onimaki ao n taromauriia Tamara are i Karawa ao Iesu Kristo rinanon anene aika tabu. E na katangaki katangitang ibukin te kaukuuki ao te kainiin iroun te tia katangi bwain ni katangitang n te uoote ao n raoni anene n taromauri inanon tain te bootaki n toa ke ana bootaki riki tabeua te uoote ni kaineti ma butiakina. Ngkana e kainanoaki, e kona naba te tia katang bwaai ni katangitang n ira te kuaea ke n riki bwa te tia Katanga te biaano. (Taraa 19.4.3.2).

Babaairean Katangitang ibukin Bootaki n Taromauri n te Ekaretia

“Anene aika a riinga te nano bon ngaia te mwakoro ae kakaawaki inanon ara bootaki n taromauri.” (Anene n Taromauri, First Presidency Preface). A riai anene ake a rineaki bwa a na reirei te euangkerio ma te mwaaka ma te oota raoi (taraa 19.3.1).

Anene ibukin te Bootaki n Toa

Anene n tain te Toa bon anene n taromauri ni kaukan ao ni kainan te bootaki ao imwain kabutan te toa. E kona naba ni karinaki n te bootaki n toa teuana ke e mwaiti riki anene n taromauri ke te katangitang. A konaa naba ni kabonganaaki anene n taromauri ao tabeua riki anene aika a tabu ake a rineaki ibukin anene ni kaukuuki ao ni kainiin, te kuaea, ao anga reirei mairoun temanna ke man kurubu aika uarereke. (Taraa 19.3.2.)

Kataneiai ao Bwaai ni Ibuobuoki

Kabwarabwara ibukin te kataneiai n te anene, taraa mwakoro 19.6 n te Aeniboki ni Kabuta. Ngkana akea te tia katang bwaai ni katangtang ibukin bootakin te uoote, taraa mwakoro 19.4.3.2 ni karekei kuuna n anene ao ni katangaki ma bwaai ni katagtang ake a tia n raweaki .

Kainibaire ao Kaetieti

Ibukin kaetieti ao kainibaire, n aron karekean te anene, kabonganaan bwaai ni katangitang n autinibootaki ibukin karaoan kataneiai, ke kuaea man te komiuniti, taraa mwakoro 19.7 n te Aeniboki ni Kabuta.