Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Musika iti Simbaan

Ti sagrado a musika ti mangpapigsa iti pammati ken ni Jesucristo. Daytoy ti mangyawis iti Espiritu ken mangisuro iti doktrina. Mangparnuay pay daytoy iti rikna ti panagraem, mamagkaykaysa kadagiti miembro, ken mangipaay iti wagas a panagdaydayaw iti Nailangitan nga Ama ken ni Jesucristo. Impakdaar ti Apo, “Maragsakan ti kararuak iti kanta ti puso” (Doktrina ken Katulagan 25:12). (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 19.1.)

Accompanist iti Ward

Tumulong ti accompanist iti ward kadagiti miembro ti ward a mangpapigsa iti pammatida ken ni Jesucristo babaen ti sagrado a musika. Isuda ti mangipaay iti prelude ken postlude a musika ken accompaniment para kadagiti himno bayat ti miting ti sakramento ken dadduma pay a miting ti ward kas makiddaw. No kasapulan, ti accompanist ti mangkompaniar iti koro wenno agserbi a kas Primary pianist. (Kitaen iti 19.4.3.2).

Musika para kadagiti Miting iti Simbaan

“Ti makaparegta a musika ket nasken a paset dagiti mitingtayo iti simbaan” (Hymns, Pakauna ti Umuna a Panguluen). Nasken a dagiti pili a musika ti mangisuro iti ebanghelio nga addaan iti bileg ken kinalawag (kitaen iti 19.3.1).

Musika para iti Miting ti Sakramento

Ti musika iti miting ti sakramento iramanna ti panagkanta kadagiti himno tapno luktan ken gibusan ti miting ken sakbay ti panangannong iti sakramento. Mabalin pay nga iraman ti miting ti sakramento ti maysa wenno ad-adu pay a nayon a himno wenno pabuya iti musika. Mabalin nga usaren dagiti himno wenno dadduma pay a sagrado a napili a musika para iti prelude ken postlude a musika, musika ti koro, ken dagiti solo wenno presentasion dagiti babassit a grupo. (Kitaen iti 19.3.2.)

Training ken Resources

Para kadagiti detalye maipapan iti training iti musika, kitaen iti benneg 19.6 ti Sapasap a Handbook. No awan ti accompanist nga available para kadagiti miting iti ward, kitaen iti benneg 19.4.3.2 tapno magun-od ti nairekord nga accompaniment.

Dagiti Pangiwanwan ken Annuroten

Para kadagiti nayon nga annuroten ken pangiwanwan, kas iti pananggun-od iti musika, panagusar kadagiti instrumento iti balay a pagmimitingan para iti panagensayo, wenno dagiti koro ti komunidad, kitaen iti benneg 19.7 ti Sapasap a Handbook.