Kūr eo aō āinwōt juon Rikōjan̄jan̄ an Ward eo
Eddo ko
Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.
Unin Al ilo Kabun̄ in
Al ko rekwojarjar rej kōļapļo̧k tōmak ilo Jisōs Kraist. Ej karuwaineneiktok Jetōb im ej katakin katak eo. Ej barāinwōt ejaake juon en̄jake in kautiej, ej kobaik membōr ro, im ej letok juon wāween n̄an kabun̄jar n̄an Jemedwōj Ilan̄ im Jisōs Kraist. Irooj ekar kean̄, “Bwe Aō ej lan̄lōn̄ ilo al ko an bōro” (Katak im Bujen Ko 25:12). (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 19.1.)
Rikōjan̄jan̄ an Ward eo
Rikōjan̄jan̄ an ward eo ej jipan̄ ward membōr ro kōļapļo̧k tōmak ilo Jisōs Kraist kōn al ko rekwojarjar. Rej kōjan̄ al ko ilo jinoin im jem̧ļo̧kin im kōjan̄jan̄ n̄an al ko ilo iien kweilo̧k in kwojkwoj eo im kweilo̧k ko jet an ward eo n̄e kajjitōk. N̄e aikuji, rikōjan̄jan̄ eo emaron̄ barāinwōt kōjan̄jan̄ ippān kuwaer eo ak jerbal āinwōt rikōjan̄jan̄ piano an Būraimere. (Lale 19.4.3.2).
Al ko n̄an Kweilo̧k ko an Kabun̄ in
“Al ko reim̧we ej juon mōttan aorōk an kweilo̧k in jar ko ad” (Hymns, Kadkadin juon enaan jān Būreejtōnji eo Kein Kajuon). Al ko kāāleti rej aikuj in katakin gospel eo kōn kajoor im alikkar (lale 19.3.1).
Al ko ilo Kweilo̧k in Kwokwoj eo
Al ko ilo kweilo̧k in kwojkwoj eo rekitbuuj al in kōppeļļo̧k im ikkilōk n̄an kweilo̧k eo im m̧okta jān leto letak kwojkwoj eo. Kweilo̧k in kwojkwoj eo emaron̄ barāinwōt kitbuuj juon ak elōn̄ļo̧k al ko ak iien al im kōjan̄jan̄ ko. Al ko ak al ko rekwojarjar jet kāāleti maron̄ kōjerbali n̄an al ko ilo jinoin im jem̧ļo̧kin, al ko an kuwaer, im an ro kajjojo ak juon kumi jidikdik. (Lale 19.3.2.)
Kaminene Al im Kein Jipan̄ ko
N̄an m̧eļeļe ko kijien katak kaminene al, lale jekjōn 19.6 in Bok in Bōk Meļeļe Eļap. Eļan̄e ejjeļo̧k rikōjan̄jan̄ ilo iien kweilo̧k ko an Ward, lale jekjōn 19.4.3.2 n̄an kōjerbal kōjan̄jan̄ ko em̧ōj rekoot i.
Unin Tōl im Kakien ko jet
N̄an kakien ko im unin tōl ko jet, āinwōt bōk al ko, kōjerbal kein kōjan̄jan̄ ko an im̧ōn kweilo̧k eo n̄an kaminene ko, ak kuwaer ko an jukjukin pād eo, lale jekjōn 19.7 in Bok in Bōk Meļeļe Eļap.