Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk long ol responsabiliti blong koling blong yu.

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit mo i tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes. Lod i talemaot se, “Sol blong mi i glad tumas long singsing we i kam long hat” (Doktrin mo Ol Kavenan 25:12). (Luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 12.1

Wan we i Plei Piano blong Wod Kwaea

Wan we i plei piano blong wod kwaea, i helpem ol memba blong wod blong mekem fet i kam antap long mo wosipim Papa long Heven mo Jisas Kraes tru long tabu miusik. Oli plei blong ol kwaea praktis mo taem we kwaea i singsing long ol miting blong Jos (luk long 19.4.3.3).

Ol Wod Kwaea

Ol Jos kwaea i givim glori i go long God, i jenisim mo mekem ol Jos memba oli kam wan, mo i givim glad long olgeta we oli tekpat mo ol kongregesen. Oli leftemap tingting blong kwaea blong yusum ol hym blong Jos, we oli invaetem Spirit blong helpem olgeta we oli tekpat long kwaea mo kongregesen blong lanem gospel (luk long Hym, 381–83). Ol kwaea blong Jos oli save singsing tu ol narafala tabu miusik we oli jusumaot. Evri miusik we oli jusumaot oli mas tijim gospel wetem paoa mo fasin we i klia. (Luk long 19.3.)

Sam Moa Gaedlaen mo Ol Polisi

Ol kwaea praktis oli no mas bitim wan aoa. Blong kasem moa polisi mo ol gaedlaen, olsem blong karem miusik, yusum ol tul blong miting haos blong praktis o kwaea blong komuniti, luk long seksen 19.7 blong Jeneral Hanbuk.