iTavi eso

E vakavinavinakataka na Turaga ena nomu lomasoli mo veiqaravi ena Nona Lotu. Na ivakamacala raraba ni itavi ena nomu veikacivi.

iNaki ni Sere ena Lotu

Na sereivakatagi tabu e vakalevutaka na vakabauti Jisu Karisito. Ena sureta na Yalo ka vakavulica na ivunau. E bulia talega na yalo ni vakarokoroko, vakaduavatataki ira na lewenilotu, ka vakarautaka e dua na sala ni sokalou ki vua na Tamada Vakalomalagi kei Jisu Karisito. E vakaraitaka na Turaga, “Raica sa rekitaka na yaloqu na sere sa lagati ena yalodina” (Vunau kei na Veiyalayalati 25:12). (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 19.1.)

Daunivakatagi ni Matasere ni Tabanalevu

Na daunivakatagi ni matasere ni tabanalevu ena vukei ira na lewe ni tabanalevu me ra vakalevutaka na nodra vakabauta kei na sokalou vua na Tamada Vakalomalagi kei Jisu Karisito ena ivakatagi tabu. Era na qito ena vakatasuasua ni matasere kei na gauna era lagasere kina na matasere ena soqoni ni Lotu (raica na 19.4.3.3).

Vei Matasere ni Tabanalevu

Na matasere ni Lotu e kauta mai na lagilagi ki vua na Kalou, me vakaduavatataki ka vakaqaqacotaki ira na lewe ni Lotu, ka kauta mai na reki vei ira era vakaitavi kei na ivavakoso. Era sa vakauqeti na matasere mera vakayagataka na serenilotu ni Lotu, ka sureta na Yalotabu ka vukei ira na vakaitavi ena matasere kei ira na ivavakoso me ra vulica na kosipeli (raica na Sere ni L:otu, 381–83). Sa rawa talega vei ira na matasere ni Lotu me ra lagata eso tale na ivakatagi tabu. Na ivakatagi kece e dodonu me ra vakavulica na kosipeli ena kaukauwa kei na savasava. (Raica na 19.3.)

iDusidusi kei na Lawatu

Na vakatovotovo ni matasere e sega ni dau sivita e dua na auwa. Me baleta na ikuri ni lawatu kei na idusidusi, me vaka na kena tauri na ivakatagi, vakayagataki ni iyaya ni cakacaka ni valenilotu me vakatovotovotaki, se matasere ni itikotiko raraba, raica na wase 19.7 ni iVoladusidusi Raraba.