Mwioko

E kakaitau te Uea ibukin nanom ni kan beku n Ana Ekaretia. I nano bon kabwarabwaran kanoan mwiokoam ibukin nakoam.

Bonganan te Katangitang n te Ekaretia

Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo. E taku te Uea, “Bwa e kimwareirei tamneiu n te anene man te nano” (Reirei ao Berita aika Tabu 25:12). (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 19.1.)

Te Tia Katangitang n te Kuaea n te Uoote

Te tia katangitang n te kuaea n te uoote e buokiia membwa ni karikirakea aia onimaki ao n taromauriia Tamara are i Karawa ao Iesu Kristo rinanon anene aika tabu. A karaoa te rei anene ibukin te kuaea ao ngkana a anene kaain te kuaea n tain te bootaki n taromauri te Ekaretia (taraa 19.4.3.3).

Kuaea n Uoote

Ana kuaea te Ekaretia e uota te mimitong nakon te Atua, e botiia ao e reireiniia membwa n te Ekaretia, ao e uota te kukurei nakoia ake a ira te kuaea ao taan roko n taromauri. A kaungaaki kaain te kuaea bwa a na kabonganai anene n taromauri man te Ekaretia, are e kaoa te Tamnei ao ni buokiia kaain te kuaea ao kaain te taromauri n reiakina te euangkerio (taraa Anene n Taromauri, 381–83). A kona naba kaain te kuaea n te Ekaretia n anenei tabeua katangitang aika a tabu mai buakon ake a tia n rineaki. A riai anene ni kabane ake a tia n rineaki n reireia taekan te euangkerio ma te mwaaka ao te itiaki. (Taraa 19.3.)

Kainibaire ao Kaetieti

Te rei anene n te kuaea e aki riaon teuana te aoa. Ibukin kaetieti ao kainibaire, n aron karekean te anene, kabonganaan bwaai ni katangitang n autinibootaki ibukin karaoan kataneiai, ke kuaea man te komiuniti, taraa mwakoro 19.7 n te Aeniboki ni Kabuta.