Իմ կոչումը որպես ծխի նվագակցող
Պարտականությունները
Տերը երախտապարտ է Իր Եկեղեցում ծառայելու ձեր պատրաստակամության համար: Ստորև ներկայացված է ձեր կոչման պարտականությունների ակնարկը:
Երաժշտության նպատակը եկեղեցում
Հոգևոր երաժշտությունը մեծացնում է Հիսուս Քրիստոսի հանդեպ հավատքը: Այն հրավիրում է Հոգուն և ուսուցանում է վարդապետություն: Այն նաև ստեղծում է ակնածանքի զգացում, միավորում է անդամներին և հնարավորություն է տալիս երկրպագել Երկնային Հորը և Հիսուս Քրիստոսին: Տերը հայտարարել է. «Քանզի իմ հոգին հրճվում է սրտաբուխ երգով» (Վարդապետություն և Ուխտեր 25․12): (Տես Ընդհանուր ձեռնարկ. ծառայել Հիսուս Քրիստոսի Վերջին Օրերի Եկեղեցում, 19.1։)
Ծխի երգչախմբի նվագակցող
Ծխի երգչախմբի նվագակցողն օգնում է ծխի անդամներին մեծացնել հավատքը երկնային Հոր և Հիսուս Քրիստոսի հանդեպ և երկրպագել սուրբ երաժշտության միջոցով: Նրանք նվագում են երգչախմբի փորձերի ժամանակ և երբ երգչախումբը երգում է Եկեղեցու ժողովներում (տես 19.4.3.3):
Ծխի երգչախումբ
Եկեղեցու երգչախմբերը փառք են բերում Աստծուն, միավորում և շենացնում Եկեղեցու անդամներին և ուրախություն պատճառում մասնակիցներին և հավաքվածներին: Երգչախմբերին խրախուսվում է օգտագործել Եկեղեցու օրհներգերը, որոնք հրավիրում են Հոգուն և օգնում երգչախմբի մասնակիցներին և հավաքվածներին սովորել ավետարանը (տես Օրհներգեր, 381–83): Եկեղեցու երգչախմբերը կարող են նաև երգել այլ հոգևոր երաժշտական ընտրանիներ: Բոլոր երաժշտական ընտրանիները պետք է զորությամբ և պարզությամբ ուսուցանեն ավետարանը: (Տես 19.3։)
Ուղեցույցներ և քաղաքականություն
Երգչախմբի փորձերը սովորաբար չեն անցնում մեկ ժամից։ Լրացուցիչ քաղաքականության և ուղեցույցների համար, ինչպիսիք են՝ երաժշտության ձեռքբերումը, պարապմունքների համար հավաքատների գործիքների օգտագործումը կամ համայնքային երգչախմբերը, տես 19.7 Ընդհանուր ձեռնարկ: