Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

K’a’ru xk’anjel li b’ich sa’ li Iglees

Li loq’laj b’ich naxnimob’resi li paab’aal chirix li Jesukristo. Naxb’oq li Musiq’ej ut naxk’ut li tzol’leb’. Naxk’e chiqeek’a li oxloq’ink, chi wank sa’ junajil jo’ komon sa’ li Iglees, ut chixnimankil ru li qaChoxahil Yuwa’ ut li Jesukristo. Li Qaawa’ kixye, “Nasahoʼ li waam rikʼin lix bʼichahom li aamej” (Tzol’leb’ ut Sumwank 25:12). (Chi’ilmanq Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan, 19.1.)

Laj toch’ol re li b’ich choq’ re li coro sa’ li teep

Laj toch’ol re li b’ich choq’ re li coro sa’ li teep naxtenq’aheb’ li komon sa’ li teep chixnimob’resinkil lix paab’aaleb’ ut lix loq’onihomeb’ chiru li qaChoxahil Yuwa’ ut li Jesukristo rik’ineb’ li loq’laj b’ich. Neke’xtoch’ li b’ich choq’ re li coro naq neke’xkawresi rib’ ut naq neke’b’ichan sa’eb’ li jar ch’utam sa’ li Iglees (chi’ilmanq 19.4.3.3).

Eb’ li coro sa’ li teep

Eb’ li coro sa’ li Iglees neke’xnima ru li Dios, neke’xjunaji ut neke’xwaklesiheb’ li komon sa’ li Iglees, ut neke’xk’e chi saho’k sa’ xch’ooleb’ li nek’ab’in reheb’. Waklesinb’ileb’ xch’ool li coro chiroksinkileb’ li b’ich re li Iglees, li neke’xb’oq li Musiq’ej ut neke’xtenq’aheb’ laj b’ichanel ut laj ab’inel chixtzolb’al li evangelio (chi’ilmanq Eb’ li B’ich, 255–257). Eb’ li coro sa’ li Iglees naru ajwi’ neke’xb’icha jalaneb’ chik li loq’laj b’ich. Tento naq chixjunileb’ li b’ich neke’xk’ut li evangelio rik’in wankilal ut chi ch’olch’o ru. (Chi’ilmanq 19.3.)

Li b’eresink ut li chaq’rab’ink

Us naq li ch’uut re xtzolb’al ut xyalb’aleb’ li b’ich ink’a’ nab’ay numenaq jun hoor. Re xtawb’al xkomon chik li chaq’rab’ink ut li b’eresink, jo’ chirix xtawb’aleb’ li b’ich, li roksinkileb’ li wajb’ re li ch’utleb’aal kab’l, ut li coro re k’aleb’aal, chi’ilmanq li tasal 19.7 sa’ li Jolomil K’anjenel Hu.