Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Unin Al ilo Kabun̄ in

Al ko rekwojarjar rej kōļapļo̧k tōmak ilo Jisōs Kraist. Ej karuwaineneiktok Jetōb im ej katakin katak ko. Ej barāinwōt ejaake juon en̄jake in kautiej, kobaik membōr ro, im ej letok juon wāween n̄an kabun̄ jar n̄an Jemedwōj Ilan̄ im Jisōs Kraist. Irooj eaar kean̄, “Bwe Aō ej lan̄lōn̄ ilo al ko an bōro” (Katak im Bujen Ko 25:12 (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 19.1.)

Rikōjan̄jan̄ eo Kuwaer ilo Ward

Rikōjan̄jan̄ eo an kuwaer iloward ej jipan̄ ro uwaan ward eo kōļapļo̧k tōmakm kabun̄jar iloJemedwōj Ilan̄ im Jisōs Kraist jān al ko rekwojarjar. Rej kōjan̄jan̄ ilo iien kōmālmel ko an kuwaer eo im n̄e kuwaer eo ej al ilo kweilo̧k ko an Kabun̄ in (lale 19.4.3.3).

Kuwaer eo/ko an Ward

Kuwaer ko an Kabun̄ in rej bōktok aiboojoj n̄an Anij, kobaik im katakin ro uwaan Kabun̄ in, im bōktok lan̄lōn̄ n̄an ro rej bōk koņaer im jarlepju ko. Em̧ōj rōjan̄ kuwaer ko n̄an kōjerbal al ko an Kabun̄ in, ko rej karuwaneneik Jetōb im jipan̄ ro rej bōk ko̧ņaer ilo kuwaer eo im jarlepju eo ekkatak gospel eo (lale Hymns, 381–83). Kuwaer ko an Kabun̄ in remaron̄ bar al al ko jet rekwojarjar kar kāāleti. Aolep al ko kāāleti rej aikuj katakin kōn gospel eo kōn kajoor im alikkar. (Lale 19.3.)

Unin Tōl im Kakien ko

Iien kōmālmel ko an kuwaer eo ekkā an jab ļapļok jān juon awa. N̄an eļapļok kakkobaba ikujeen kakien im unin tōl ko jet, āinwōt bōk ia al ko, wāween kōjerbal kein kōjan̄jan̄ ko an m̧ōn jar ko n̄an ekkatak, ak kuwaer ko an jukjuk in pād eo, lale jākjen 19.7 ilo Bok in Bōk Meļeļe Eļap.