O Lo’u Valaauga o se Ta Laau [Piano/Okeni] a le Aufaipese a le Uarota
Tiutetauave
E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.
Faamoemoega o Musika i le Ekalesia
O musika paia e faateleina ai le faatuatua ia Iesu Keriso. E valaaulia ai le Agaga ma aoao atu ai aoaoga faavae. E fatuina ai foi se lagona o le migao, soofaatasia tagata o le ekalesia, ma saunia se ala e tapuai ai i le Tama Faalelagi ma Iesu Keriso. Na folafola mai e le Alii, “Aua e fiafia lou agaga i le pese a le loto” (Mataupu Faavae ma Feagaiga 25:12). (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 19.1.)
Ta Laau o le Aufaipese a le Uarota
E fesoasoani le ta laau o le aufaipese a le uarota i tagata o le uarota e faateleina le faatuatua ma le tapuai i le Tama Faalelagi ma Iesu Keriso e ala i musika paia. Latou te tātā mo faataitaiga a aufaipese ma pe a pepese le aufaipese i sauniga a le Ekalesia (tagai i le 19.4.3.3).
Aufaipese a Uarota
O aufaipese a le Ekalesia e aumaia le mamalu i le Atua, tuufaatasia ma faagaeetia tagata o le Ekalesia, ma aumaia le olioli i tagata auai ma faapotopotoga. Ua fautuaina aufaipese e faaaoga viiga a le Ekalesia, lea e valaaulia ai le Agaga ma fesoasoani ai i tagata auai o le aufaipese ma faapotopotoga e aoao le talalelei (tagai i Viiga, 381–83). E mafai foi e aufaipese a le Ekalesia ona usuina isi musika paia e filifilia. E tatau i musika filifilia ona aoao atu le talalelei i le mana ma le manino. (Tagai i le 19.3.)
Taiala ma Aiaiga Faavae
O faataitaiga a le aufaipese e le masani ona sili atu ma le tasi le itula. Mo aiaiga ma taiala faaopoopo, e pei o le mauaina o musika, faaaogaina o mea faimusika o falelotu mo faataitaiga, po o aufaipese a le alalafaga, tagai i le vaega 19.7 o le Tusitaulima Aoao.