Ol Responsabiliti

Lod i glad from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit blong tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes. “From we sol blong mi i glad tumas long singsing we i kam long hat” (Doktrin mo Ol Kavenan 25:12). (Luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 19.1.)

Wod Kwaea Daerekta

Wod kwaea daerekta i helpem ol memba blong wod blong mekem fet i kam antap long mo wosipim Papa long Heven mo Jisas Kraes tru long tabu miusik. Oli jusum ol miusik blong wod kwaea, daerektem ol kwaea praktis mo kondaktem kwaea long ol miting blong jos (luk long 19.4.3.3).

Ol Wod Kwaea

Ol Jos kwaea i givim glori i go long God, i jenisim mo mekem ol Jos memba oli kam wan, mo i givim glad long olgeta we oli tekpat mo ol kongregesen. Oli leftemap tingting blong kwaea blong yusum ol hym blong Jos, we oli invaetem Spirit blong helpem olgeta we oli tekpat long kwaea mo kongregesen blong lanem gospel (luk long Hym, 381–83). Ol kwaea blong Jos oli save singsing tu ol narafala tabu miusik we oli jusumaot. Evri miusik we oli jusum,oli mas tijim gospel wetem paoa mo klia fasin. (Luk long 19.3

Ol Gaedlaen mo Polisi

Ol kwaea praktis oli no mas bitim wan aoa. Blong kasem sam moa polisi mo ol gaedlaen olsem blong kasem miusik, yusum ol tul blong miusik blong ol mitinghaos blong praktis o ol kwaea blong komuniti, luk long seksen 19.7 blong Jeneral Hanbuk.