Akong Calling isip usa ka Direktor sa Choir sa Ward

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Musika diha sa Simbahan

Ang sagrado nga musika mopalambo sa hugot nga pagtuo diha ni Jesukristo. Magdapit kini sa Espiritu ug magtudlo sa doktrina. Magmugna usab kini og usa ka pagbati sa balaang pagtahod, maghiusa sa mga miyembro, ug maghatag og paagi sa pagsimba sa Langitnong Amahan ug ni Jesukristo. Ang Ginoo mipahayag, “Ang akong kalag mahimuot sa awit sa kasingkasing” (Doktrina ug mga Pakigsaad 25:12). (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 19.1.)

Direktor sa Choir sa Ward

Ang direktor sa choir sa ward motabang sa mga miyembro sa ward nga molambo ang hugot nga pagtuo ug pagsimba sa Langitnong Amahan ug ni Jesukristo pinaagi sa sagrado nga musika. Sila morekomendar og musika alang sa choir sa ward, modirekta sa mga pagbansay sa choir, ug mo-conduct sa choir diha sa mga miting sa Simbahan (tan-awa sa 19.4.3.3).

Mga Choir sa Ward

Ang mga choir sa Simbahan nagdala og himaya ngadto sa Dios, naghiusa ug naghatag og kaayohan sa mga miyembro sa Simbahan, ug nagdala og kalipay ngadto sa mga partisipante ug sa mga kongregasyon. Ang mga choir giawhag sa paggamit sa mga himno sa Simbahan, nga nagdapit sa Espiritu ug makatabang sa mga partisipante sa choir ug sa mga kongregasyon nga makat-on sa ebanghelyo (tan-awa sa Hymns, 381–83). Ang mga choir sa Simbahan mahimong mokanta sa ubang sagrado nga mga pinili sa musika. Ang tanang pinili sa musika kinahanglang motudlo sa ebanghelyo uban ang gahom ug kaklaro. (Tan-awa sa 19.3.)

Mga Lagda ug mga Palisiya

Ang mga pagpraktis sa choir kasagaran dili mosobra sa usa ka oras. Alang sa dugang nga mga palisiya ug mga lagda, sama sa pagbaton og musika, paggamit sa mga instrumentodiha sa meetinghouse alang sa praktis, o mga choir sa kumunidad, tan-awa sa seksiyon 19.7 sa Kinatibuk-ang Tamdanan nga Basahon.