Ti Calling-ko a kas Choir Director iti Ward

Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Musika iti Simbaan

Ti sagrado a musika ti mangpapigsa iti pammati ken ni Jesucristo. Daytoy ti mangyawis iti Espiritu ken mangisuro iti doktrina. Mangparnuay pay daytoy iti rikna ti panagraem, mamagkaykaysa kadagiti miembro, ken mangipaay iti wagas a panagdaydayaw iti Nailangitan nga Ama ken ni Jesucristo. Impakdaar ti Apo, “Maragsakan ti kararuak iti kanta ti puso” (Doktrina ken Katulagan 25:12). (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 19.1.)

Choir Director iti Ward

Tumulong ti choir director iti ward kadagiti miembro ti ward a mangpapigsa iti pammati ken panagdaydayaw iti Nailangitan nga Ama ken Jesucristo babaen ti sagrado a musika. Irekomendada ti musika para iti koro ti ward, iturongda dagiti panagensayo ti koro, ken idauluanda ti koro kadagiti miting iti Simbaan (kitaen iti 19.4.3.3).

Dagiti Koro iti Ward

Dagiti koro ti Simbaan ti mangyeg iti dayag iti Dios, mamagkaykaysa ken mangpabileg kadagiti miembro ti Simbaan, ken mangyeg iti rag-o kadagiti makiraman ken kongregasion. Maallukoy dagiti koro nga agusar kadagiti himno ti Simbaan, a mangawis iti Espiritu ken tumulong kadagiti participant iti koro ken kongregasion nga agsursuro iti ebanghelio (kitaen iti Hymns, 381–83). Mabalin pay a kantaen dagiti koro ti Simbaan ti dadduma pay a sagrado a pili a musika. Nasken a mangisuro ti amin a pili a musika iti ebanghelio nga addaan iti bileg ken kinalawag. (Kitaen iti 19.3.)

Dagiti Pangiwanwan ken Annuroten

Gagangay a saan a nga aglabes iti maysa nga oras dagiti panagensayo ti koro. Para kadagiti nayon nga annuroten ken pangiwanwan, kas iti pananggun-od iti musika, panagusar kadagiti instrumento iti balay a pagmimitingan para iti panagensayo, wenno dagiti koro ti komunidad, kitaen iti benneg 19.7 ti Sapasap a Handbook.