Ol Responsabiliti

Lod i glad from tingting blong yu blong wantem givim seves insaed long Jos blong Hem. Andanit ia i wan sot lukluk blong ol responsabiliti blong koling blong yu.

Ol Memba wetem Ol Disabiliti

“Oli leftemap tingting blong ol memba blong Jos blong folem eksampol blong Sevya long saed blong fasin blong stap givim hop, andastaning, mo lav long olgeta we oli disebol” (Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 38.8.27). Lukluk blong yu olsem wan wod disabiliti speselis i blong helpem wanwan man o woman blong redi blong mekem mo kipim ol tabu kavenan.

Ol Disabiliti Speselis

Disabiliti speselis i givim seves long ol memba mo ol lida taem hem i kam blong save wanwan man o woman we oli gat ol disabiliti mo ol famli blong olgeta; stap ansarem ol kwestin mo wari abaot disabiliti long olgeta we oli kea long ol disabiliti, ol lida mo ol narawan; mo stap helpem wanwan man o woman blong gat akses long ol materiol blong Jos, ol miting, mo ol aktiviti. Speselis i save help tu blong faenemaot ol janis we i gat mining blong ol memba wetem disabiliti oli givim seves. (Luk long 38.8.27.9.)

Sam Moa Responsabiliti

Luksave mo lanem abaot ol memba long wod blong yu we oli gat ol disabiliti. Lukaotem insperesen tru long prea abaot olsem wanem ol memba ia mo ol famli blong olgeta o olgeta we oli kea long olgeta, oli save stap pat tu mo oli sapotem olgeta. Askem blong go long ol wod kaonsel miting blong helpem ol lida blong andastanem olsem wanem oli save sapotem ol memba wetem ol disabiliti. Blong sam moa risos, luk long disability.ChurchofJesusChrist.org.

Sam Moa Gaedlaen mo Polisi

Blong ol gaedlaen blong stap sapotem ol memba long hospital o ol kea senta, luk seksen 38.8.43 insaed long Jeneral Hanbuk. Blong ol gaedlaen long ol odinens blong wanwan man o woman we oli gat ol disabiliti long saed blong save mo bodi, luk ol seksen 38.2.4 mo 38.2.5.