Akong Calling isip usa ka Espesyalista sa Adunay Kakulian sa Panglawas

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Mga Miyembro nga adunay mga Kakulian sa Panglawas

“Ang mga miyembro sa Simbahan giawhag sa pagsunod sa ehemplo sa Manluluwas sa pagtanyag og paglaom, pagsabot, ug paghigugma niadtong kinsa adunay mga kakulangan” (Kinatibuk-ang Tamdanan nga Basahon: Pagserbisyo diha sa Simbahan ni Jesukristo sa mga Santos sa Ulahing mga Adlaw, 38.8.27). Ang imong tutokan isip usa ka espesyalista sa adunay kakulian sa panglawas sa ward mao ang pagtabang sa mga indibiduwal nga maandam sa paghimo ug pagtuman sa sagrado nga mga pakigsaad.

Espesyalista sa Adunay Kakulian sa Panglawas

Ang espesyalista sa adunay kakulian sa panglawas magserbisyo sa mga miyembro ug mga lider pinaagi sa pag-ila-ila sa mga indibiduwal nga adunay mga kakulian sa panglawas ug sa ilang mga pamilya; motubag sa mga pangutana ug mga kabalaka nga may kalabotan sa kakulian sa panglawas gikan sa mga tig-amuma, mga lider, ug sa uban; ug motabang sa mga indibiduwal nga makagamit sa mga materyal sa Simbahan, mga miting, ug mga kalihokan. Ang espesyalista makatabang usab sa pag-ila og makahuluganon nga mga oportunidad alang sa mga miyembro nga adunay mga kakulian sa panglawas aron makaserbiyo. (Tan-awa sa 38.8.27.9.)

Dugang pa nga mga Responsibilidad

Ilha ug tun-i ang kabahin sa mga miyembro sa imong ward kinsa adunay mga kakulian sa panglawas. Mainampoon nga magtinguha og inspirasyon mahitungod kon unsaon niining mga miyembro ug sa ilang mga pamilya o mga tig-amuma nga mahimong malakip ug masuportahan. Itanyag ang pagtambong sa mga miting sa konseho sa ward aron matabangan ang mga lider nga makasabot kon unsaon nila sa pagsuporta sa mga miyembro nga adunay mga kakulian sa panglawas. Alang sa dugang nga mga kapanguhaan, tan-awa sa disability.ChurchofJesusChrist.org.

Mga Lagda ug mga Palisiya

Alang sa mga lagda sa pagsuporta sa mga miyembro sa mga ospital o sa mga care center, tan-awa ang seksiyon 38.8.43 diha sa Kinatibuk-ang Tamdanan nga Basahon. Alang sa mga lagda bahin sa mga ordinansa alang sa mga indibiduwal nga adunay intelektuwal o pisikal nga mga kakulian, tan-awa sa mga seksiyon 38.2.4 ug 38.2.5.