iTavi eso

E vakavinavinakataka na Turaga na nomu lomasoli mo veiqaravi ena Nona Lotu. Sa koto e ra e dua na rai raraba ni itavi ena nomu veikacivi.

Lewenilotu era Vakaleqai tu Vakayago

“Era sa vakauqeti na lewe ni Lotu me ra muria na ivakaraitaki ni iVakabula ni solia na inuinui, kila ka, kei na loloma vei ira era vakaleqai tu vakayago” (iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 38.8.27). Na nomu vakanamata vaka-kenadau ni vakaleqai tu vakayago ena tabanalevu o ya mo vukei ira na tamata yadua me ra vakavakarau ki na cakava ka maroroya na veiyalayalati tabu.

Kenadau ni Vakaleqai tu Vakayago

Na kenadau ni vakaleqai tu vakayago e qaravi ira na lewenilotu kei ira na iliuliu ena nona veikilai kei ira na tamata era vakaleqai tu vakayago kei na nodra matavuvale; sauma na taro kei na kauwai e veiwekani kei na vakaleqai mai vei ira na dauveiqaravi, iliuliu, kei na so tale; ka vukei ira na tamata yadua mera raica na ivola ni Lotu, soqoni, kei na itaviqaravi. E rawa talega ni veivuke na kenadau ena kena kilai na madigi vakaibalebale vei ira na lewenilotu era vakaleqai tu vakayago me ra veiqaravi. (Raica na 38.8.27.9.)

iKuri ni iTavi

Raica ka vulica na veika baleti ira na lewenilotu ena nomu tabanalevu era vakaleqai tu vakayago. Vakasaqara ena masumasu na veivakauqeti me baleta na sala e rawa ni ra okati ka tokoni kina na lewenilotu oqo kei na nodra matavuvale se dauniveiqaravi. Kerea mo tiko ena bose ni matabose ni tabanalevu me vukei ira na iliuliu me ra kila na sala me ra tokoni ira kina na lewenilotu era vakaleqai tu vakayago. Me baleta na ikuri ni ivurevure, raica na disability.ChurchofJesusChrist.org.

iDusidusi kei na Lawatu

Me baleta na idusidusi ni nodra tokoni na lewenilotu ena veivalenibula se valenivolavola ni veiqaravi, raica na wase 38.8.43 ena iVoladusidusi Raraba. Me baleta na idusidusi ni cakacaka vakalotu me baleti ira na tamata yadua era vakaleqai ena mona se vakaleqai tu vakayago, raica na iwasewase 38.2.4 kei na 38.2.5.