Mwioko

E kakaitau te Uea ibukin nanom ni kan beku n Ana Ekaretia. I nano bon kabwarabwaran kanoan tabem ni weteam.

Kaain te aro aika a Mwauku

“Membwa n te Ekaretia a kaungaki bwa a na irii ana banna ni katooto te Tia Kamaiu n anga te kantaninga, te oota, ao te tangira nakoia koraki ake aki toamau” (Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 38.8.27). Te bwai ae ko na katurua ngkai te tia rabakau ibukiia aika toaraa n te uoote bon buokan temanna ni katauraoiia ni karaoi ao ni kawakin aia berita aika tabu.

Taan Rabakau ibukiia aika Toaraa

Te tia rabakau ibukiia aika toaraa e beku bwa te membwa ao te tia kairiiri man arona ni kinaa raoi temanna are iai toarana ao aia utu, kaekai titiraki aika a kaeineti ma te toaraa ao te raraoma mai irouia taan kawakiniia, taan kairiiri, ao tabeman; ao ni buoka temanna ni kona ni karekei ana boki te Ekaretia, te taromauri, ao waaki ni kakukurei. Te tia rabakau e kona naba ni ibuobuoki ni kinai tibwanga ibukiia membwa aika a toaraa bwa aonga ni beku. (Taraa 38.8.27.9.)

Mwioko Riki Tabeua

A na ataiia ao n reiakin aroia membwa n aia uoote ake iai toaraan rabwataia. Tataromwaaka n ukora te kairi mai ieta bwa a na kanga membwa aikai ao aia utu ke taan tararuaiia ni kona ni mwannanoaki ao n tabeakinaki. Anga nanoia n ira te kauntira n te uoote ni buokiia taan kairiiri ni mataata bwa a na kanga ni boutoakiia membwa ake iai toaraan rabwataia. Ibukin bwaai ni ibuobuoki riki tabeua, taraa disability.ChurchofJesusChrist.org.

Kainibaire ao Kaetieti

Ibukin kaetieti iaon boutokakiia membwa ake n te onaoraki ke n auti n tararua, taraa mwakoro 38.8.43 n te Aeniboki ni Kabuta. Kaetieti iaon otenanti ibukiia koraki ake a rotaki aia iango ke iai toaraan rabwataia, taraa mwakoro 38.2.4 and 38.2.5.