Ti Calling-ko a kas Espesialista iti Pagkurangan
Dagiti Pagrebbengan
Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan para iti calling-mo.
Dagiti Miembro nga Addaan kadagiti Pagkurangan
“Maallukoy dagiti miembro ti Simbaan a mangsurot iti pagwadan ti Mangisalakan iti panangidiaya iti namnama, pannakaawat, ken ayat kadagitay addaan kadagiti pagkurangan” (Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 38.8.27). Ti pokusmo kas maysa nga espesialista iti pagkurangan iti ward ket ti panangtulong kadagiti indibidual nga agsagana nga agaramid ken agtungpal kadagiti sagrado a katulagan.
Espesialista iti Pagkurangan
Agserbi ti espesialista iti pagkurangan kadagiti miembro ken lider babaen ti panangam-ammona kadagiti indibidual nga addaan iti pagkurangan ken dagiti pamiliada; panangsungbat kadagiti saludsod ken pakaseknan a mainaig iti pagkurangan manipud kadagiti agay-aywan, lider, ken dadduma pay; ken panangtulong kadagiti indibidual a makagun-od kadagiti material, miting, ken aktibidad iti Simbaan. Makatulong met ti espesialista a mangilasin kadagiti napnuan kaipapanan a gundaway para kadagiti miembro nga addaan iti pagkurangan tapno agserbi. (Kitaen iti 38.8.27.9.)
Dagiti Mainayon a Pagrebbengan
Lasinen ken ammuen maipapan dagiti miembro iti ward-mo nga addaan iti pagkurangan. Sikakararag nga agsapul iti inspirasion maipapan no kasano a mairaman ken masuportaran dagitoy a miembro ken dagiti pamiliada wenno dagiti agay-aywan. Idiaya ti idadar-ay kadagiti miting ti konseho iti ward tapno matulongan dagiti lider a makaawat no kasano a suportaranda dagiti miembro nga addaan iti pagkurangan. Para iti mainayon a resources, kitaen iti disability.ChurchofJesusChrist.org.
Dagiti Pangiwanwan ken Annuroten
Para kadagiti pangiwanwan iti panangsuporta kadagiti miembro kadagiti ospital wenno sentro a pagaywanan, kitaen iti benneg 38.8.43 iti Sapasap a Handbook. Para kadagiti pangiwanwan kadagiti ordinansa para kadagiti indibidual nga addaan iti pagkurangan iti panunot wenno bagi, kitaen kadagiti benneg 38.2.4 ken 38.2.5.