Li k’a’ru teneb’anb’il

Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.

Eb’ li komon wankeb’ xmajelal

“Waklesinb’il xch’ooleb’ li komon re li Iglees chixtaaqenkil li Jesukristo sa’ xyeechi’inkil li oyb’enink, li tawok-u, ut li rahok reheb’ chixjunileb’ li wankeb’ xmajelel” (Jolomil K’anjenel Hu: Li k’anjelak sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan, 38.8.27). Laa k’anjel jo’ aj especialista en discapacidad, a’an xtenq’ankileb’ li kristiaan chixk’ulb’al ut chixpaab’ankileb’ li loq’laj sumwank.

Laj especialista en discapacidad

Laj especialista en discapacidad nak’anjelak chiruheb’ li komon ut laj jolominel rik’in xnawb’aleb’ ru li komon wankeb’ xmajelal ut eb’ lix junkab’al; naxsumeheb’ li patz’om chirix li majejal ut lix k’a’uxleb’ laj ilonel, laj jolominel, ut xkomoneb’ chik; ut xtenq’ankileb’ li kristiaan chixtawb’aleb’ li k’anjeleb’aal, ch’utam, ut kok’ k’anjel re li Iglees. Laj especialista en discapacidad naru ajwi’ naxtaw chan ru naq li ani wankeb’ xmajelal naru neke’k’anjelak chiru as iitz’inb’ej. (Chi’ilmanq 38.8.27.9.)

Xkomon chik lix teneb’ankil

K’e reetaleb’ ut naweb’ ru li komoon sa’ laa teep li wankeb’ xmajelal. Sik’ rik’in tijok xnawb’al chan ru naq te’k’ulub’aaq ut te’tenq’aaq li komon ut eb’ lix junkab’al malaj laj ilol reheb’. Ye naq nakawaj okenk sa’ li jolomil ch’uut re li teep re xtenq’ankileb’ laj jolominel chixtawb’al ru chan ru naru te’xtenq’aheb’ li komon wankeb’ xmajelal. Re xtawb’al xkomon chik li na’leb’, chi’ilmanq disability.ChurchofJesusChrist.org.

Li b’eresink ut li chaq’rab’ink

Re xtawb’al li chaq’rab’ink chirix xtenq’ankileb’ li komon wankeb’ sa’ li b’anleb’aal malaj jun centro de cuidados, chi’ilmanq li tasal 38.8.43 sa’ li Jolomil K’anjenel Hu. Re xtawb’al li chaq’rab’ink chirixeb’ li k’ojob’anb’il k’anjel choq’ reheb’ li ani wankeb’ xmajelal sa’ k’a’uxlej malaj tib’elej, che’ilmanq li tasal 38.2.4 ut 38.2.5.