O Lo’u Valaauga o se Tagata Tomai Faapitoa mo Manaoga Faapitoa
Tiutetauave
E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.
Tagata e I Ai Manaoga Faapitoa
“Ua fautuaina tagata o le Ekalesia e mulimuli i le faataitaiga a le Faaola o le ofoina atu o le faamoemoe, malamalama, ma le alofa ia i latou e i ai manaoga faapitoa” (Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 38.8.27). O lau taulaiga i le avea ai ma se tagata faapitoa mo manaoga faapitoa o le uarota o le fesoasoani lea i tagata taitoatasi e saunia e osia ma tausia feagaiga paia.
Tagata Tomai Faapitoa mo Manaoga Faapitoa
O le tagata tomai faapitoa mo manaoga faapitoa e auauna atu i tagata o le ekalesia ma taitai e ala i le faamasani i tagata taitoatasi e i ai manaoga faapitoa ma o latou aiga; tali atu i fesili ma popolega e faatatau i manaoga faapitoa mai i e o loo tausia, taitai, ma isi; ma fesoasoani i tagata taitoatasi ia maua punaoa a le Ekalesia, fonotaga, ma gaoioiga. E mafai foi ona fesoasoani le tagata tomai faapitoa e faailoa mai ni avanoa anoa mo tagata e i ai manaoga faapitoa e auauna atu ai. (Tagai i le 38.8.27.9.)
Tiutetauave Faaopoopo
Faailoa ma aoao e uiga i tagata o lau uarota e i ai manaoga faapitoa. Ia saili ma le agaga tatalo musumusuga e uiga i le auala e mafai ai ona faaaofia ma lagolagoina nei tagata o le ekalesia ma o latou aiga po o e o loo tausia i latou. Ofo atu e auai i fonotaga a aufono a uarota e fesoasoani ai i taitai ia malamalama i le auala e mafai ona latou lagolagoina ai tagata e i ai manaoga faapitoa. Mo punaoa faaopoopo, tagai i le disability.ChurchofJesusChrist.org.
Taiala ma Aiaiga Faavae
Mo taiala i le lagolagoina o tagata o le ekalesia i falemai po o nofoaga autu mo le tausiga, tagai i le vaega 38.8.43 i le Tusitaulima Aoao. Mo taiala i sauniga mo tagata taitoatasi e i ai manaoga faapitoa faaleatamai po o le faaletino, tagai i le vaega 38.2.4 ma le 38.2.5.