Koling blong Mi olsem wan Wod Miusik Kodineta

Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk blong ol responsabiliti blong koling blong yu.

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit mo i tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes. Lod i talemaot se, “Sol blong mi i glad tumas long singsing we i kam long hat” (Doktrin mo Ol Kavenan 25:12). (Luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 12.1.)

Wod Miusik Kodineta

Ol wod miusik kodineta oli helpem ol memba blong wod blong mekem fet i kam antap long mo wosipim Papa long Heven mo Jisas Kraes tru long tabu miusik. Oli givim seves anda long daereksen blong bisop. Ol wod miusik kodineta oli wan risos blong bisop mo ol narafala lida long wod long saed blong miusik. Ol miusik kodineta oli save atendem ol wod kaonsel miting olsem we bisop i askem. (Luk long 19.4.2.)

Miusik blong Ol Miting blong Jos

“Miusik we i givim insperesen, i wan stamba pat blong ol miting blong yumi long jos” (Hym, First Presidency Preface). Ol miusik we oli jusumaot oli mas tijim gospel wetem paoa mo fasin we i klia (luk long 19.3.1).

Miusik blong Sakramen Miting

Miusik insaed long sakramen miting i tekem tu singsing blong ol hym blong openem mo klosem miting mo bifo oli blesem mo pasem sakramen. Sakramen miting i save tekem tu wan o moa long ol hym we oli ademap o ol miusik presentesen. Oli save yusum ol hym mo ol narafala tabu miusik we oli jusum olsem prilud mo poslud miusik, kwaea miusik mo ol miusik presentesen blong wan man nomo o smol grup. (Luk long 19.3.2.)

Trening mo Ol Risos

Ol wod miusik kodineta oli jusum ol fas memba blong givim seves insaed long ol wod miusik koling. Oli givim sapot mo instraksen mo supavaesem trening blong miusik olsem we oli nidim. (Luk long 19.6.) Sapos i nogat wan we i plei long piano i stap blong plei long ol miting blong wod, luk long seksen 19.4.3.2 blong Jeneral Hanbuk blong karem miusik blong piano we oli rekodem i stap.

Sam Moa Gaedlaen mo Ol Polisi

Blong kasem moa polisi mo ol gaedlaen olsem blong karem miusik, yusum ol tul blong miusik blong miting haos blong praktis, o ol kwaea blong komuniti, luk long seksen 19.7 blong Jeneral Hanbuk.