Akong Calling isip usa ka Koordinitor sa Musika sa Ward

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Musika diha sa Simbahan

Ang sagrado nga musika mopalambo sa hugot nga pagtuo diha ni Jesukristo. Magdapit kini sa Espiritu ug magtudlo sa doktrina. Magmugna usab kini og usa ka pagbati sa balaang pagtahod, maghiusa sa mga miyembro, ug maghatag og paagi sa pagsimba sa Langitnong Amahan ug ni Jesukristo. Ang Ginoo namahayag, “Kay ang akong kalag mahimuot sa awit sa kasingkasing” (Doktrina ug mga Pakigsaad 25:12). (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 19.1.)

Koordinitor sa Musika sa Ward

Ang mga koordinitor sa musika sa ward motabang sa mga miyembro sa ward nga molambo ang hugot nga pagtuo ug pagsimba sa Langitnong Amahan ug ni Jesukristo pinaagi sa sagradong musika. Sila moserbisyo ubos sa direksyon sa bishop. Ang mga koordinitor sa musika sa ward mao ang kapanguhaan alang sa bishop ug sa ubang mga lider sa ward kabahin sa mga butang sa musika. Ang mga koordinitor sa musika mahimong motambong og mga miting sa konseho kon gihangyo sa bishop. (Tan-awa sa 19.4.2.)

Musika alang sa mga Miting sa Simbahan

“Ang makadasig nga mga musika maoy usa ka mahinungdanon nga bahin sa atong mga miting sa simbahan” (Mga Himno, Pasiuna sa Unang Kapangulohan). Ang mga seleksiyon sa musika kinahanglan magtudlo sa ebanghelyo uban sa gahom ug kaklaro (tan-awa sa 19.3.1).

Musika alang sa Miting sa Sakramento

Ang musika diha sa panagtigom sa sakramento naglakip sa pagpanganta og mga himno sa pagbukas ug pagtapos sa miting ug sa dili pa ipahigayon ang sakramento. Ang miting sa sakramento mahimo usab maglakip og usa o dugang pa nga mga himno o mga presentasyon sa musika. Ang mga himno o ubang sagrado nga mga seleksiyon sa musika mahimong gamiton alang sa prelude ug postlude nga musika, musika sa choir, ug sa nag-inusara [solo] o gamay nga gupo nga mga pasundayag. (Tan-awa sa 19.3.2.)

Pagbansay ug mga Kapangohaan

Ang mga koordinitor sa musika sa ward morekomendar o mopaila-ila sa mga miyembro alang sa pagserbisyo diha sa mga calling sa musika sa ward. Sila motanyag og suporta ug instruksiyon ug modumala sa pagbansay sa musika kon gikinahanglan. (Tan-awa sa 19.6.) Kon walay makuha nga tigduyog alang sa mga miting sa ward, tan-awa sa seksiyon 19.4.3.2 sa Kinatibuk-ang Tamdanan nga Basahon aron sa pag-access sa nakarekord nga duyog.

Mga Lagda ug mga Palisiya

Alang sa dungang nga mga palisiya ug mga lagda, sama sa pagbaton og musika, paggamit sa mga instrumento sa meetinghouse alang sa pagbansay, o sa mga choir sa kumunidad, tan-awa sa seksiyon 19.7 sa Kinatibuk-ang Tamdanan nga Basahon.