Ti Calling-ko a kas Music Coordinator iti Ward

Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan para iti calling-mo.

Panggep ti Musika iti Simbaan

Ti sagrado a musika ti mangpapigsa iti pammati ken ni Jesucristo. Daytoy ti mangyawis iti Espiritu ken mangisuro iti doktrina. Mangparnuay pay daytoy iti rikna ti panagraem, mamagkaykaysa kadagiti miembro, ken mangipaay iti wagas a panagdaydayaw iti Nailangitan nga Ama ken ni Jesucristo. Impakdaar ti Apo, “Ta maragsakan ti kararuak iti kanta ti puso” (Doktrina ken Katulagan 25:12). (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 19.1.)

Music Coordinator iti Ward

Tulongan dagiti music coordinator iti ward dagiti miembro ti ward a mangpapigsa iti pammati ken panagdaydayaw iti Nailangitan nga Ama ken ni Jesucristo babaen ti sagrado a musika. Agserbida iti babaen ti direksion ti bishop. Dagiti music coordinator iti ward ket maysa a resource iti bishop ken dadduma pay a lider ti ward maipapan kadagiti banag a mainaig iti musika. Mabalin a dumar-ay dagiti music coordinator kadagiti miting ti konseho ti ward no kiddawen ti bishop. (Kitaen iti 19.4.2.)

Musika para kadagiti Miting iti Simbaan

“Ti makaparegta a musika ket maysa a napateg a paset dagiti miting ti simbaan” (Hymns, First Presidency Preface). Nasken a mangisuro dagiti pili a musika iti ebanghelio nga addaan iti bileg ken kinalawag (kitaen iti 19.3.1).

Musika para iti Miting ti Sakramento

Ti musika iti miting ti sakramento iramanna ti panagkanta kadagiti himno tapno luktan ken gibusan ti miting ken sakbay ti panangannong iti sakramento. Mabalin pay nga iraman ti miting ti sakramento ti maysa wenno ad-adu pay a nayon a himno wenno pabuya iti musika. Mabalin nga usaren dagiti himno wenno dadduma pay a sagrado a pili a musika para iti pangrugian a musika (prelude) ken kalpasan a musika (postlude), musika ti koro, ken solo wenno babassit a pabuya ti grupo. (Kitaen iti 19.3.2.)

Training ken Resources

Dagiti music coordinator iti ward ti agirekomenda ken mang-orient kadagiti miembro kadagiti calling a mainaig iti musika iti ward. Mangidiayada iti suporta ken instruksion ken mangimaton iti training iti musika no kasapulan. (Kitaen iti 19.6.) No awan ti accompanist nga available para kadagiti miting iti ward, kitaen iti 19.4.3.2 ti Sapasap a Handbook tapno magun-od ti nairekord nga accompaniment.

Dagiti Pangiwanwan ken Annuroten

Para kadagiti nayon nga annuroten ken pangiwanwan, kas iti pananggun-od iti musika, panagusar kadagiti instrumento iti balay a pagmimitingan para iti panagensayo, wenno koro ti komunidad, kitaen iti benneg 19.7 ti Sapasap a Handbook.