Kūr eo aō āinwōt juon Ribōk Eddo Al an Ward
Eddo ko
Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.
Unin Al eo ilo Kabun̄ in
Al kwojarjar ko rej kōļapļo̧k tōmak ilo Jisōs Kraist. Ej karuwaineneiktok Jetōb eo im ej katakin katak eo. Ej barāinwōt ejaake juon en̄jake in kautiej, ej kobaik membōr ro, im ej letok juon wāween n̄an kabun̄ jar n̄an Jemedwōj Ilan̄ im Jisōs Kraist. Irooj ekar kean̄, “Bwe Aō ej lan̄lōn̄ ilo al ko an bōro” (Katak im Bujen Ko 25:12). (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 19.1.)
Ribōk Eddo Al an Ward
Ribōk eddo ro an al an ward eo rej jipan̄ ward membōr ro kōļapļo̧k tōmak ilo im kabun̄jar an Jemādwōj Ilan̄ im Jisōs Kraist kōn al ko rekwojarjar. Rej jerbal ium̧win tōl eo an bisop eo. Ribōk eddo ro an al an ward eo rej juon kein jipan̄ n̄an bisop eo im ritōl ro jet an ward eo ilo jerbal ko an al. Ribōk eddo ro an al remaron̄ pād ilo kweilo̧k ko an ko̧o̧njeļ eo an ward n̄e kar kajjitōk jān bisop eo. (Lale 19.4.2.)
Al ko n̄an Kweilo̧k ko an Kabun̄ in
“Al ko reim̧we ej juon mōttan aorōk an kweilo̧k in jar ko ad” (Hymns, First Presidency Preface). Al ko kāāleti aikuj in katakin gospel eo kōn kajoor im alikkar (lale 19.3.1.)
Al ko n̄an Kweilo̧k in Kwokwoj eo
Al ko ilo kweilo̧k in kwojkwoj eo ej kitbuuj al in kōpeļļo̧k im ikkilōk an kweilo̧k eo im m̧okta jān leto letak kwojkwoj eo. Kweilo̧k in kwojkwoj eo emaron̄ barāinwōt kitbuuj juon ak elōn̄ļo̧k al ko ak iien al im kōjan̄jan̄ ko. Al ko ak al ko rekwojarjar jet kāāleti maron̄ kōjerbali n̄an al ko ilo jinoin im jem̧ļo̧kin, al ko an kuwaer, im iien al ko an juon ļo̧k make im juon kumi jidikdik. (Lale 19.3.2.)
Kaminene im Kein Jipan̄ ko
Ribōk eddo ro an al an ward eo rej elmakote im kajineet membōr ro n̄an jerbal ilo kūr ko an al an ward eo. Rej leļo̧k jipan̄ im naan in kōmeļeļe im eddoik kaminene al n̄e aikuj. (Lale 19.6.) Eļan̄n̄e ejjeļo̧k rikōjan̄jan̄ n̄an kweilo̧k ko an ward eo, lale jekjōn 19.4.3.2 in Bok in Bōk Meļeļe Eļap n̄an bōk kōjan̄jan̄ ko kar rekooti.
Unin Tōl im Kakien ko
Kōn elōn̄ļo̧k kakien ko im unin tōl ko, ko āinwōt bōk al ko, kōjerbal kein kōjan̄jan̄ ko an im̧ōn kweilo̧k eo n̄an kaminene, ak kuwaer ko an jukjuk in pād eo, lale jekjōn 19.7 an Bok Bōk Meļeļe Eļap.