Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk blong ol responsabiliti blong koling blong yu.

Stamba Tingting blong Miusik insaed long Jos

Tabu miusik i mekem fet long Jisas Kraes i kam moa bigwan. Hem i invaetem Spirit blong tijim doktrin. Hem i krietem filing ia tu blong stap revren, mekem ol memba i kam wan, mo i givim wan wei blong wosipim Papa long Heven mo Jisas Kraes. Lod i talemaot, “Sol blong mi i glad tumas long singsing we i kam long hat” (Doktrin mo Ol Kavenan 25:12). (Luk long Jeneral Hanbuk: Stap Givim Seves insaed long Jos Ia blong Jisas Kraes blong Lata-dei Sent, 19.1.)

Wod Miusik Lida

Wod miusik lida i helpem ol memba blong wod blong mekem fet i kam antap long mo wosipim Papa long Heven mo Jisas Kraes tru long tabu miusik. Oli lidim ol kongregesen hym blong sakramen miting mo blong ol narafala wod miting olsem we oli askem (luk long 19.4.3.1).

Miusik blong Ol Miting blong Jos

“Miusik we i givim insperesen, i wan stamba pat blong ol miting blong yumi long jos” (Hymns, First Presidency Preface). Ol miusik we oli jusum i mas tijim gospel wetem paoa mo fasin blong mekem samting i klia gud (luk long 19.3.1).

Miusik blong Sakramen Miting

Miusik insaed long sakramen miting i tekem tu ol singsing blong ol hym blong openem mo klosem miting mo bifo oli blesem mo pasem sakramen. Sakramen miting i save tekem tu wan o moa singsing we oli ademap wetem ol hym o miusik presentesen. Oli save yusum ol hym mo ol narafala miusik we oli jusum olsem prilud [wan smol miusik bifo miting i stat] mo poslud [wan smol miusik afta long miting], kwaea miusik mo ol miusik presentesen blong wan man nomo o smol grup. (Luk long 19.3.2.)

Trening mo Ol Risos

Blong kasem ol infomesen abaot trening blong miusik, luk long 19.6 blong Jeneral Hanbuk. Sapos i no gat wan pat blong miusik i gat i stap blong ol miting blong wod, luk long seksen 19.4.3.2 blong kasem ol pat blong miusik we oli rekodem i stap.

Sam Moa Gaedlaen mo Ol Polisi

Blong kasem moa polisi mo ol gaedlaen, olsem blong karem miusik, yusum ol tul blong miting haos blong praktis o kwaea blong komuniti, luk long seksen 19.7 blong Jeneral Hanbuk.