Na Noqu Veikacivi vaka iLiuliu ni Sere ena Tabanalevu
iTavi eso
E vakavinavinakataka na Turaga ena nomu lomasoli mo veiqaravi ena Nona Lotu. E tiko era na ivakamacala raraba ni itavi ena nomu veikacivi.
iNaki ni Sere ena Lotu
Na sereivakatagi tabu e vakalevutaka na vakabauti Jisu Karisito. Ena sureta na Yalo ka vakavulica na ivunau. E bulia talega na yalo ni vakarokoroko, vakaduavatataki ira na lewenilotu, ka vakarautaka e dua na sala ni sokalou ki vua na Tamada Vakalomalagi kei Jisu Karisito. “Raica sa rekitaka na yaloqu na sere sa lagati ena yalodina” (Vunau kei na Veiyalayalati 25:12). (Raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 19.1
iLiuliu ni Sere/iVakatagi ena Tabanalevu
Na iliuliu ni sere ena tabanalevu ena vukei ira na lewe ni tabanalevu me ra vakalevutaka na nodra vakabauta ka sokaloutaki Tamada Vakalomalagi kei Jisu Karisito ena sere tabu. Era na liutaka na serenilotu ni ivavakoso me baleta na soqoni ni sakaramede kei na soqoni tale eso ni tabanalevu kevaka e gadrevi (raica na 19.4.3.1).
Tuvanaki ni Sere ni Soqoni ni Lotu
“Na ivakatagi veivakauqeti sa tiki bibi ni noda soqoni ni lotu” (Sere ni Lotu, iVakamacala Taumada ni Mataveiliutaki Taumada). Na ivakatagi e dodonu me vakavulica na kosipeli ena kaukauwa kei na matata (raica na 19.3.1).
Sere/iVakatagi ena Soqoni ni Sakaramede
Na sereivakatagi ena soqoni ni sakaramede e oka kina na nodra lagasere ni lotu na ivavakoso me ra dolava ka sogota kina na soqoni ni bera ni qai qaravi na sakaramede. Na soqoni ni sakaramede e rawa talega ni oka kina e dua se sivia na ikuri ni serenilotu se ivakatagi. Sa rawa me vakayagataki na serenilotu se sereivakatagi tabu digitaki tale eso me sere ni curu ka sere ni suka, sere ni matasere, kei na domodua se matasere ni ilawalawa lalai. (Raica na 19.3.2
Vuli Sereivakatagi kei na iVurevure
Me baleta na kena matailalai na veituberi ni ivakatagi, raica na wase 19.6 ni iVoladusidusi Raraba. Kevaka e sega ni tiko e dua na dauveiqaravi me baleta na soqoni ni tabanalevu, raica na iwasewase 19.4.3.2 me raici kina na ivakatagi e katoni.
iDusidusi kei na Lawatu
Me baleta na ikuri ni lawatu kei na idusidusi, me vaka na kena tauri na ivakatagi, vakayagataki ni iyaya ni cakacaka ni valenilotu me vakatovotovotaki, se matasere ni itikotiko raraba, raica na wase 19.7 ni iVoladusidusi Raraba.