Nakoau ae te Tia Kairiiri n te Katangitang n te Uoote
Mwioko
E kakaitau te Uea ibukin nanom ni kan beku n Ana Ekaretia. I nano bon kabwarabwaran kanoan mwiokoam ibukin nakoam.
Bonganan te Katangitang n te Ekaretia
Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo. E taekinna te Uea, “E kimwareirei tamneiu n te anene man te nano” (Reirei ao Berita aika Tabu 25:12). (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 19.1.)
Te Tia Kairiiri n te Anene n te Uoote
Te tia kairiiri n te anene n te uoote e buokiia membwa n te uoote ni kakorakorai aia onimaki ao n neboa Tamara are i Karawa ao Iesu Kristo rinanon katangitang aika mimitong. A kairii anene n taromauri ibukin bootaki n te toa ao tabeua riki bootaki n te uoote n aron kainnanoaia (taraa 19.4.3.1).
Katangitang ibukin Bootaki n Taromauri n te Ekaretia
“Anene aika a riinga te nano bon ngaia te mwakoro ae kakaawaki inanon ara bootaki n taromauri.” (Anene n Taromauri, First Presidency Preface). A riai anene ake a rineaki bwa a na reirei te euangkerio ma te mwaaka ma te oota raoi (taraa 19.3.1).
Anene ibukin te Bootaki n Toa
Katangitang inanon tain te toa e bon rin iai anene n taromauri ni kauka ao ni kaina te bootaki ao imwain kabutan te toa. E kona naba ni karinaki n te bootaki n toa teuana ke e mwaiti riki anene n taromauri ke te katangitang. A konaa naba ni kabonganaaki anene n taromauri ao tabeua riki anene aika a tabu ake a rineaki ibukin anene ni kaukuuki ao ni kainiin, te kuaea, ao anga reirei mairoun temanna ke man kurubu aika uarereke. (Taraa 19.3.2.)
Kataneiai ao Bwaai n Ibuobuoki
Kabwarabwara ibukin te kataneiai n te anene, taraa mwakoro 19.6 n te Aeniboki ni Kabuta. Ngkana akea te tia katang bwaai ni katangtang ibukin bootakin te uoote, taraa mwakoro 19.4.3.2 ni karekei kuuna n anene ake a tia n raweaki.
Kainibaire ao Kaetieti
Ibukin kaetieti ao kainibaire riki tabeua, n aron karekean katangitang, kabonganakin bwaai ni katangitang ibukin te kataneiai n te autinibootaki, ke aia kuaea komiunitii, taraa mwakoro 19.7 n te Aenbioki ni Kabuta.