yon fi ki ap dirije koral

Apèl mwen kòm yon Dirijan Mizik Pawas

Responsablite

Senyè a rekonesan pou dispozisyon w pou w sèvi nan Legliz Li a. Anba la a, w ap jwenn yon apèsi sou responsablite pou apèl ou a.

Objektif Mizik nan Legliz la

Mizik sakre ogmante lafwa nan Jezikri. Li envite Lespri a epi li anseye doktrin. Li kreye yon santiman reverans, li ini manm yo, epi li bay yon fason pou adore Papa nou ki nan Syèl la ak Jezikri tou. Senyè a te deklare: “Nanm mwen pran plezi nan chan kè a” (Doktrin ak Alyans 25:12). (Gade Manyèl Jeneral: Sèvi nan Legliz Jezikri pou Sen Dènye Jou yo, 19.1.)

Dirijan Mizik Pawas

Dirijan mizik pawas la ede manm pawas yo ogmante lafwa ak adorasyon Papa nou ki nan Syèl la ak nan Jezikri atravè mizik sakre. Yo dirije kantik kongregasyon yo pou reyinyon Sentsèn ak pou lòt reyinyon pawas jan yo mande yo (gade 19.4.3.1).

Mizik pou Reyinyon Legliz yo

“Mizik enspiran se yon pati esansyèl nan reyinyon legliz nou yo” (Cantiques, Prefas Premye Prezidans lan). Seleksyon mizik yo ta dwe anseye levanjil la avèk pouvwa ak klate (gade 19.3.1).

Mizik pou Reyinyon Sentsèn

Mizik nan reyinyon sentsèn yo gen ladan yo kantik pou kongregasyon an chante pou ouvri ak fèmen reyinyon an ak anvan administrasyon Sentsèn nan. Reyinyon Sentsèn yo kapab gen ladan tou youn oswa plis kantik oswa prezantasyon mizikal. Nou ka itilize kantik oswa lòt seleksyon mizikal sakre pou mizik prelid ak postlid, koral, ak solo oswa ti gwoup prezantasyon mizikal. (Gade nan 19.3.2.)

Fòmasyon ak Resous

Pou plis detay sou fòmasyon mizik, gade seksyon 19.6 nan Manyèl Jeneralla. Si pa gen okenn moun pou akonpaye mizik la ki disponib pou reyinyon pawas yo, gade seksyon 19.4.3.2 pou jwenn akonpayman anrejistre.

Direksyon ak Règleman

Pou plis règleman ak direksyon, tankou jwenn mizik, itilize enstriman chapèl pou pratik, oswa koral kominotè, gade seksyon 19.7 nan Manyèl Jeneralla.