Ti Calling-ko a kas Music Leader iti Ward

Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan para iti calling-mo.

Panggep ti Musika iti Simbaan

Ti sagrado a musika ti mangpapigsa iti pammati ken ni Jesucristo. Daytoy ti mangyawis iti Espiritu ken mangisuro iti doktrina. Mangparnuay pay daytoy iti rikna ti panagraem, mamagkaykaysa kadagiti miembro, ken mangipaay iti wagas a panagdaydayaw iti Nailangitan nga Ama ken ni Jesucristo. Impakdaar ti Apo, “Ta maragsakan ti kararuak iti kanta ti puso” (Doktrina ken Katulagan 25:12). (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 19.1.)

Music Leader iti Ward

Tulongan ti music leader iti ward dagiti miembro ti ward a mangpapigsa iti pammati ken panagdaydayaw iti Nailangitan nga Ama ken ni Jesucristo babaen ti sagrado a musika. Isuda ti mangidaulo kadagiti himno ti kongregasion para kadagiti miting ti sakramento ken dadduma pay a miting iti ward no makiddaw 19.4.3.1).

Musika para kadagiti Miting iti Simbaan

“Ti makaparegta a musika ket maysa a napateg a paset dagiti miting ti simbaan” (Hymns, First Presidency Preface). Nasken a dagiti pili a musika ti mangisuro iti ebanghelio nga addaan iti bileg ken kinalawag (kitaen iti 19.3.1).

Musika para iti Miting ti Sakramento

Ti musika iti miting ti sakramento iramanna ti panagkanta kadagiti himno tapno luktan ken gibusan ti miting ken sakbay ti panangannong iti sakramento. Mabalin pay nga iraman ti miting ti sakramento ti maysa wenno ad-adu pay a nayon a himno wenno pabuya iti musika. Mabalin nga usaren dagiti himno wenno dadduma pay a sagrado a pili a musika para iti pangrugian a musika (prelude) ken pangleppas a musika (postlude), musika ti koro, ken solo wenno babassit a pabuya ti grupo. (Kitaen iti 19.3.2.)

Training ken Resources

Para kadagiti detalye maipapan iti training iti musika, kitaen iti benneg 19.6 ti Sapasap a Handbook. No awan ti accompanist nga available para kadagiti miting iti ward, kitaen iti 19.4.3.2 tapno magun-od ti nairekord nga accompaniment.

Dagiti Pangiwanwan ken Annuroten

Para kadagiti nayon nga annuroten ken pangiwanwan, kas iti pananggun-od iti musika, panagusar kadagiti instrumento para iti panagensayo, wenno dagiti koro ti komunidad, kitaen iti benneg 19.7 ti Sapasap a Handbook.