Kūr eo aō āinwōt juon Ritōl Al an Ward

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Unin Al ko ilo Kabun̄ in

Al kwojarjar ko rej kōļapļo̧k tōmak ilo Jisōs Kraist. Ej karuwaineneiktok Jetōb eo im ej katakin katak eo. Ej barāinwōt ejaake juon en̄jake in kautiej, ej kobaik membōr ro, im ej letok juon wāween n̄an kabun̄ jar n̄an Jemedwōj Ilan̄ im Jisōs Kraist. Irooj ekkar ba “Bwe Aō ej lan̄lōn̄ ilo al ko an bōro” (Katak im Bujen Ko 25:12). (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 19.1.)

Ritōl Al an Ward

Ritōl Al an Ward eo ej jipan̄ ro uwaan ward eo kōļapļok tōmak ilo im kabun̄jar n̄an Jemed Iļan̄ im Jisōs Kraist ilo al ko rekwojarjar. Rej tōl al in jar ko an m̧ōn jar n̄an kweilo̧k in kwojkwoj eo im kweilo̧k ko jet an ward āinwōt ke kar kajjitōk (lale 19.4.3.1).

Al ko n̄an Kweilo̧k ko an Kabun̄

“Al ko rej im̧we rej lukkuun aorok n̄an kweilo̧k in jar ko ad” (Al in Jar ko, Enaan ko Im̧aan an Būreejtōnji eo Kein Kajuon). Laajrak in Al ko rej aikuij katakin kōn gospel eo ilo kajoor im alikkar (lale 19.3.1).

Al ko n̄an Kweilo̧k in Kwokwoj

Al ko ilo kweilo̧k in kwojkwoj eo ekoba al ko n̄an kōppeļļo̧k im ikkilōk kweilo̧k eo im m̧okta jān kōm̧m̧ane kwojkwoj eo. Kweilo̧k in kwojkwoj eo emaron̄ barāinwōt koba in juon ak elōn̄ļo̧k al ko kar kwaļo̧k. Al in jar ko ak al ko rekwojarjar jet kāāleti maron̄ kōjerbali n̄an jinoin im jem̧ļo̧kin al ko, al ko an kuwaer, im iien al ko an juon ļo̧k make im juon kumi jidikdik. (Lale 19.3.2.)

Kaminene im Kein Jipan̄ ko

N̄an meļeļe ko reļapļo̧k kōn kaminene al, lale jekjen 19.6 in Bok in Bōk Meļeļe Eļap. N̄e ej ejjeļo̧k kōjan̄jan̄ ippāntok ilo kweilo̧k ko an ward, lale jekjen 19.4.3.2 n̄an kōjerbal kōjan̄jan̄ ko em̧ōj rekoot i .

Unin Tōl im Kakien ko

N̄an kakien im unin tōl ko jet, āinwōt kōjerbal al ko, kōjerbal kein kōjan̄jan̄ ko an m̧ōn jar eo n̄an kōmmelmel, ak kurup in al ko an jukjukin pād eo, lale jekjen 19.7 in Bok in Bōk Meļeļe Eļap.