Ang Akong Calling isip Presidente sa Young Women

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Young Women

Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensya. Kini nagtabang sa mga batan-ong babaye sa paghimo ug pagtuman og sagrado nga mga pakigsaad ug pagpalig-on sa ilang pagkakabig ngadto ni Jesukristo ug sa Iyang ebanghelyo. Sa ilang mga klase, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 11.1.1.)

Presidente ug Kapangulohan

Ang presidente moserbisyo sa konseho sa ward ug sa konseho sa kabatan-onan sa ward (tan-awa sa 11.3.4.4). Siya mopahigayon og regular nga mga miting sa kapangulohan ug makigkita sa bishop. Ang kapangulohan mangalagad ngadto sa mga batan-ong babaye samtang sila mahimong mga disipulo ni Jesukristo sa tibuok kinabuhi. Sila motudlo sa mga kapangulohan sa klase sa ilang mga responsibilidad ug mosuporta kanila samtang sila mangulo. (Tan-awa sa 11.3.2.) Ang presidente modumala sa mga rekord, mga report, ug mga panalapi. Ang iyang mga magtatambag mohatag og suporta. Ang presidente makigtambag usab sa mga batan-ong babaye mahitungod sa mga hagit nga wala magkinahanglan sa bishop o maglambigit og abuso.

Pagpangulo sa Kabatan-onan

Ang kapangulohan sa Young Women mosuporta sa mga lider sa kabatan-onan. Ang mga presidente sa klase moserbisyo sa konseho sa kabatan-onan sa ward. Ang mga kapangulohan sa klase mangulo ug mangalagad ngadto sa batan-ong mga babaye samtang sila magpaduol ngadto sa Manluluwas ug sa pag-apil sa buhat sa Dios sa kaluwasan ug kahimayaan. Uban sa suporta sa hamtong nga mga lider, sila magplano og mga proyekto sa pagserbisyo, mga kalihokan, ug mga miting sa Dominggo. (Tan-awa sa 11.3.4.2.)

Mga Klase sa Dominggo

Ang mga bishopric ug ang mga hamtong nga mga lider sa Young Women magmainampoong mohukom unsaon sa pag-organisar ang mga klase sumala sa edad. Sila mokonsiderar sa mga oportunidad sa pagpangulo alang sa mga batan-ong babaye. Ang matag klase, bisan unsa ang gidak-on, kinahanglang adunay presidente ug, kon posible, usa o duha ka mga magtatambag ug usa ka secretary (tan-awa sa 11.1.3).

Serbisyo ug mga Kalihokan

Ang mga kapangulohan sa klase, nga gisuportahan sa hamtong nga mga lider, magplano og pagserbisyo ug mga kalihokan nga mopalambo og mga pagpamatuod, molig-on og mga pamilya, mopasiugda og panaghiusa sa klase, ug mohatag og mga oportunidad sa pagpanalangin sa uban.(tan-awa sa 11.2.1.3). Ang pagserbisyo ug mga kalihokan mga oportunidad sa pagpundok sa kabatan-onan ug pagpakigbahin sa kalipay sa pagpuyo sa ebanghelyo ug pag-apil sa dakong buhat sa Ginoo.

Mga Lagda ug mga Palisiya

Ang tanang hamtong nga naglihok uban sa kabataan ug kabatan-onan kinahanglang mokompleto sa pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa mga batan-ong babaye nga adunay kakulangan, mga simbolo sa kabatan-onan, ug dugang pa makita sa seksiyon 11.6 sa Kinatibuk-ang Tamdanan nga Basahon.