Noqu Kacivi me dua na Peresitedi ni Goneyalewa

iTavi eso

Sa vakavinavinakataka na Turaga na nomuni lomasoli mo ni veiqaravi ena Nona Lotu. Sa koto e ra e dua na rai vakararaba ni itavi ena nomu veikacivi.

Na iNaki ni Goneyalewa

Na isoqosoqo ni Goneyalewa e vukei ira na luvena yalewa na Kalou mera vakavakarau me lesu kina Nona iserau. E vukei ira na goneyalewa mera cakava ka maroroya na veiyalayalati tabu ka vakatitobutaka na nodra saumaki vei Jisu Karisito kei na Nona kosipeli. Ena nodra kalasi, o ira na goneyalewa era na qaravi ira na tani, vakayacora na itavi ni veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 11.1.1.)

Peresitedi kei Mataveiliutaki

Na peresitedi e veiqaravi ena matabose ni tabanalevu kei na matabose ni itabagone ni tabanalevu (raica na 11.3.4.4). Ena dau vakayacora vakawasoma na bose ni mataveiliutaki ka sota vata kei na bisopi. Eratou na veiqaravi na mataveiliutaki vei ira na goneyalewa ni ratou sa yaco me tisaipeli ni bula taucoko i Jisu Karisito. Era na vakavulica vei ira na mataveiliutaki ni kalasi na nodra itavi ka tokoni ira ni ra veiliutaki tiko. (Raica na 11.3.2.) Ena raica raraba o peresitedi na ivolatukutuku, ripote, kei na veika vakailavo. Rau na veitokoni na nona daunivakasala. Ena veitalanoa talega o peresitedi kei ira na goneyalewa me baleta na bolebole eso ka sega ni gadrevi kina vua na bisopi se okati kina na veivakacacani.

Veiliutaki ni iTabagone

E ratou na tokoni ira na iliuliu ni itabagone na mataveiliutaki ni Goneyalewa. Na peresitedi ni kalasi ena veiqaravi ena matabose ni itabagone ni tabanalevu. Era na veiliutaki ka veiqaravi vei ira na goneyalewa na mataveiliutaki ni kalasi ni ra toro voleka vua na iVakabula ka vakaitavi ena cakacaka ni veivakabulai kei na bula vakacerecerei ni Kalou. Ena nodra veitokoni na iliuliu uabula, era na tuvanaka na cakacaka ni veiqaravi, itaviqaravi, kei na soqoni ena Sigatabu. (Raica na 11.3.4.2.)

Veikalasi ena Sigatabu

Era na vakasamataka ena yalomasumasu na matabisopi kei na veiliutaki itabaqase ni Goneyalewa na sala me tauyavutaki kina na kalasi vakaitabayabaki. Era na vakasamataka na veimadigi eso ni veiliutaki vei ira na goneyalewa. Na kalasi yadua, se vakacava na kena levu, me dua na kena peresitedi, ke rawa, me dua se rua na daunivakasala ka dua na sekeriteri (raica na 11.1.3).

Veiqaravi kei na iTaviqaravi

Na mataveiliutaki ni kalasi, tokoni mai vei ira na iliuliu qase, era tuvanaka na veiqaravi kei na itaviqaravi e tara cake na ivakadinadina, vaqaqacotaka na matavuvale, vaqaqacotaka na duavata ena kalasi, ka vakarautaka na madigi mera vakalougatataki kina na tani (raica na 11.2.1.3). Na veiqaravi kei na itaviqaravi sa dua na madigi me vakasoqoni ira na itabagone ka wasea na reki ni kena bulataki na kosipeli ka vakaitavi ena cakacaka cecere ni Turaga.

iDusidusi kei na Lawatu

Na tabaqase kece era cakacaka vata kei ira na itabagone e dodonue mera vakacavara na veituberi ni Veitaqomaki vei ira na Gonelalai kei na iTabagone ena loma ni dua na vula ni nodra tokoni (ProtectingChildren.ChurchofJesusChrist.org Na idusidusi kei na lawatu me baleti ira na goneyalewa era vakaleqai tu vakayago, na ivakatakilakila ni itabagone, kei na vuqa tale era tiko ena wase 11.6 ni iVoladusidusi Raraba.