Ti Calling-ko a kas Presidente ti Young Women
Dagiti Pagrebbengan
Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.
Panggep ti Young Women
Tulongan ti organisasion ti Young Women dagiti ipatpateg nga annak a babbai ti Dios nga agsagana nga agsubli iti sidongna. Tulonganna dagiti agtutubo a babbai a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona. Kadagiti klaseda, agserbi dagiti agtutubo a babbai kadagiti dadduma, tungpalenda dagiti pagrebbengan iti katulagan, mangbangon iti panagkaykaysa, ken agsursuro ken agbiag iti doktrina. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 11.1.1.)
Presidente ken ti Panguluen
Agserbi ti presidente iti konseho ti ward ken iti konseho dagiti agtutubo ti ward (kitaen iti 11.3.4.4). Regular a mangangay kadagiti miting iti panguluen ken makipagkita iti bishop. Agminister ti pangulen kadagiti agtutubo a babbai bayat ti panagbalinda a tungpal biag a disipulo ni Jesucristo. Isuroda dagiti panguluen ti klase kadagiti pagrebbenganda ken suportaranda ida bayat ti panangidauloda. (Kitaen iti 11.3.2.) Ti presidente ti mangimaton kadagiti rekord, report ken pakaseknan iti kuarta. Mangipaay iti suporta dagiti mamagbagana. Makiuman met ti presidente kadagiti agtutubo a babbai maipapan kadagiti karit a saan nga agkasapulan iti bishop wenno maipanggep iti abuso.
Panangidaulo dagiti Agtutubo
Suportaran ti panguluen ti Young Women dagiti lider ti agtutubo. Agserbi dagiti presidente ti klase iti konseho dagiti agtutubo ti ward. Mangidaulo ken agminister dagiti panguluen ti klase kadagiti agtutubo a babbai bayat ti yaasidegda iti Mangisalakan ken pannakiramanda iti aramid ti Dios iti pannakaisalakan ken pannakaitan-ok. Babaen ti suporta dagiti nataengan a lider, mangplanoda kadagiti proyekto iti serbisio, aktibidad, ken miting iti Domingo. (Kitaen iti 11.3.4.2.)
Dagiti Klase ti Domingo
Sikakararag nga ikeddeng dagiti bishopric ken nataengan a lider ti Young Women no kasano ti mangbukel kadagiti klase segun iti edad. Ibilangda dagiti gundaway ti panangidaulo para kadagiti agtutubo a babbai. Tunggal klase, ania man ti kadakkelna, nasken nga addaan iti maysa a presidente ken, no mabalin, maysa wenno dua a mamagbaga ken maysa a secretary (kitaen iti 11.1.3).
Serbisio ken dagiti Aktibidad
Dagiti panguluen ti klase, kas suportaran dagiti nataengan a lider, ti mangplano iti serbisio ken dagiti aktibidad a mangpatibker kadagiti pammaneknek, mangpapigsa kadagiti pamilia, mangpataud iti panagkaykaysa ti klase, ken mangipaay kadagiti gundaway a mangbendision kadagiti dadduma (kitaen iti 11.2.1.3). Ti serbisio ken dagiti aktibidad ket maysa a gundaway a mangummong kadagiti agtutubo ken mangibinglay iti rag-o iti panagbiag iti ebanghelio ken pannakiraman iti naindaklan nga aramid ti Apo.
Dagiti Pangiwanwan ken Annuroten
Amin a nataengan a makipagtrabaho kadagiti ubbing ken agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipapan kadagiti agtutubo a babbai nga addaan iti pagkurangan, dagiti youth emblems ken dadduma pay ket masapulan iti benneg 11.6 ti Sapasap a Handbook.