Akong Calling isip usa ka Secretary sa Young Women

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Young Women

Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensya. Kini nagtabang sa mga batan-ong babaye sa paghimo ug pagtuman og sagrado nga mga pakigsaad ug pagpalig-on sa ilang pagkakabig ngadto ni Jesukristo ug sa Iyang ebanghelyo. Sa ilang mga klase, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 11.1.1.)

Secretary

Ang secretary sa Young Women motabang sa presidente sa pag-andam sa mga agenda, mosulat sa gihisgotan, ug mosubay sa mga buluhaton alang sa mga miting sa kapangulohan. Siya motudlo usab sa mga secretary sa klase, motabang kanila sa pagtipig og mga rekord sa nanambong, ug motabang sa kapangulohan sa Young Women sa pag-andam og badyet ug pagsubay sa mga nagasto (tan-awa sa 11.3.3).

Mga Klase sa Dominggo

Ang mga bishopric ug ang mga hamtong nga mga lider sa Young Women magmainampoong mohukom unsaon sa pag-organisar ang mga klase sumala sa edad. Sila mokonsiderar sa mga oportunidad sa pagpangulo alang sa mga batan-ong babaye. Ang matag klase, bisan unsa ang gidak-on, kinahanglang adunay presidente ug, kon posible, usa o duha ka mga magtatambag ug usa ka secretary (ta-awa sa 11.1.3).

Serbisyo ug mga Kalihokan

Ang mga kapangulohan sa klase, nga gisuportahan sa hamtong nga mga lider, magplano og serbisyo ug mga kalihokan nga mopalambo og mga pagpamatuod, molig-on og mga pamilya, mopasiugda og panaghiusa sa klase, ug mohatag og mga oportunidad sa pagpanalangin sa uban (tan-awa sa 11.2.1.3). Ang pagserbisyo ug ang mga kalihokan mga oportunidad sa pagpundok sa kabatan-onan ug pagpakigbahin sa kalipay sa pagsunod sa ebanghelyo ug pag-apil sa dakong buhat sa Ginoo.

Mga Lagda ug mga Palisiya

Ang tanang hamtong nga naglihok uban sa kabataan ug kabatan-onan kinahanglang mokompleto sa Pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa mga batan-ong babaye nga adunay kakulangan, mga simbolo sa kabataan, ug dugang pa makita sa seksiyon sa 11.6 sa Kinatibuk-ang Tamdanan nga Basahon.