Noqu Veikacivi vaka-Sekeriteri ni Goneyalewa
iTavi eso
Sa vakavinavinakataka na Turaga na nomu lomasoli mo veiqaravi ena Nona Lotu. Sa koto e ra na ivakamacala vakararaba ni itavi ena nomu veikacivi.
iNaki ni Goneyalewa
Na isoqosoqo ni Goneyalewa e vukei ira na luvena yalewa lomani na Kalou me ra vakavakarau me lesu ki na Nona iserau. E vukei ira na goneyalewa me ra cakava ka maroroya na veiyalayalati tabu ka vakatitobutaka na nodra saumaki vei Jisu Karisito kei na Nona kosipeli. Ena nodra kalasi, era qaravi ira na tani na goneyalewa, vakayacora na itavi ni veiyalayalati, tara cake na duavata, ka vulica ka bulataka na ivunau. Raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 11.1.1.)
Sekeriteri
Na sekeriteri ni Goneyalewa e dau vukea na peresitedi ena kena vakarautaki na lewe ni bose, volai ni itukutuku eso, ka vakamuria na ilesilesi ni bose ni mataveiliutaki. E dau dusimaki ira talega na sekeriteri ni kalasi, vukei ira mera maroroya na ivolatukutuku ni tiko rawa, ka vukei iratou na mataveiliutaki ni Goneyalewa ena kena vakarautaki e dua na ilavovakarau kei na akaude ni vakayagataki ilavo (raica na 11.3.3).
Veikalasi ena Sigatabu
Era vakatulewataka ena yalomasumasu na matabisopi kei na veiliutaki itabaqase ni Goneyalewa na sala me tauyavutaki kina na kalasi vakaitabayabaki. Era vakasamataka na veimadigi eso ni veiliutaki me baleti ira na goneyalewa. Na kalasi yadua, se vakacava na kena levu, me dua na kena peresitedi ka, ke rawa, me dua se rua na daunivakasala ka dua na sekeriteri (raica na 11.1.3).
Veiqaravi kei na iTaviqaravi
Na mataveiliutaki ni kalasi, ni tokoni mai vei ira na iliuliu qase, e tuvanaka na veiqaravi kei na itaviqaravi eso e tara cake na ivakadinadina, vaqaqacotaka na matavuvale, vakauqeta na duavata ena kalasi, ka vakarautaka na madigi me ra vakalougatataki kina na tani (raica na 11.2.1.3). Na veiqaravi kei na itaviqaravi eso sa dua na madigi me vakasoqoni ira na itabagone ka wasea na reki ni kena bulataki na kosipeli ka vakaitavi ena cakacaka cecere ni Turaga.
iDusidusi kei na Lawatu
Na itabaqase kece era cakacaka vata kei ira na gonelalai kei na itabagone e dodonu me ra vakacavara na veituberi ni Veitaqomaki vei ira na Gonelalai kei na iTabagone ena loma ni dua na vula mai na gauna era a tokoni kina (ProtectingChildren.ChurchofJesusChrist.org). Na idusidusi kei na lawatu me baleti ira na goneyalewa era vakaleqai tu vakayago, na ivakatakilakila eso ni itabagone, kei na vuqa tale era sa tu ena wase 11.6 ni iVoladusidusi Raraba.