Nakoau ae te Tia Koroboki n te Bootaki n Ataeinnaine
Taabe
E kakaitau te Uea ibukin nanom ni beku n Ana Ekaretia. I nano bon kabwarabwaran kanoan tibwangam.
Oin te Kaantaninga n te Bootaki n Ataeinnaine
Te Bootaki n Ataeinnaine e buokiia natin te Atua aine aika a tangiraki ni katauraoi n oki Nakoina. E buokiia ataeinnaine ni karaoi ao ni kawakin berita aika tabu ao ni kakorakora rairakiia nakon Iesu Kristo ao Ana Euangkerio. N aia kiraati, ataeinnaine a beku ibukiia tabeman, a karaoi tibwangaia n te berita ae tabu, a karekea te katiteuanaki, ao a reiakin ao a maiuakin reirei aika tabu. Taraa Aeniboki ni Kabuta: Te Beku inanon Ana Ekaretia Iesu Kristo ibukiia Aika Itiaki ni Boong aika Kaitira, 11.1.1.)
Te Tia koroboki
Te tia koroboki n te Bootaki n Ataeinnaine e buoka te beretitenti ni katauraoi akenta, e koroboki n tain bowiin te beretitentii, e korei mwiin taabe. E anga naba te kairiri nakoia taan koroboki ni kiraati, e buokiia ni kawakin rekooti ibukin te roroko ibukiia aine, ao ni buoka te beretitentii n te Bootaki n Ataeinnaine ni katauraoa te kataumwane ao akaunti ibukin kabanemwane (taraa 11.3.3).
Kiraati n te Tabati
Bitiobiriki ao taan kairiiri irouia Ataeinnaine aika ikawai ana iangoia bwa a na kanga ni bairea aia kiraati nakon aia ririki. A iangoi waaki ni kairiiri ibukiia ataeinnaine. Kiraati nako, n aki tabe ma buburaia, a riai n iai aia beretitenti ao, ngkana e kona, temanna ke uoman kauntira ao te tia koroboki (taraa 11.1.3).
Mwakuri n Ibuobuoki ao Waaki ni Kakukurei
Beretitentii ni kiraati, ni boutokaaki irouia taan kairiiri aika a ikawai, a bairei mwakuri n ibuobuoki ao waaki ni kakukurei are a karikirakei koaua, ni kakorakoraia utu, ni karekea te nano ni katiteuanaaki, ao ni karekei aanga ni kakabwaiaia tabeman (taraa 11.2.1.3). Mwakuri n ibuobuoki ao waaki ni kakukurei bon te anga ni kakabwaia ni bootiia kairake ao n tibwa kakukurein maiuakinan te euangkerio ao n iira waakin ana mwakuri te Uea ae moan te korakora.
Kainibaire ao Kaetieti
Ni kabane ikawai ake a mwakuri ma ataei ao kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti ni kaineti ma ataeinnaine aika aki toamau rabwataia, te kanikina ibukiia kairake, ao a mwaiti riki a kona n nooraki inanon mwakoro 11.6 n te Aeniboki ni Kabuta.