Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.

Panggep ti Young Women

Tulongan ti organisasion ti Young Women dagiti ipatpateg nga annak a babbai ti Dios nga agsagana nga agsubli iti sidongna. Tulonganna dagiti agtutubo a babbai a mangaramid ken mangtungpal kadagiti sagrado a katulagan ken mangpauneg iti kumbersionda ken ni Jesucristo ken iti ebangheliona. Kadagiti klaseda, agserbi dagiti agtutubo a babbai kadagiti dadduma, tungpalenda dagiti pagrebbengan iti katulagan, mangbangon iti panagkaykaysa, ken agsursuro ken agbiag iti doktrina. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw,, 11.1.1.)

Secretary

Tulongan ti secretary ti Young Women ti presidente iti panangisagana kadagiti agenda, panagsurat, panangkita iti panagdur-as dagiti annongen para kadagiti miting ti panguluen. Isurona pay dagiti secretary ti klase, tulonganna ida iti panangirekord kadagiti bilang dagiti tumabuno, ken tumulong iti panguluen ti Young Women iti panangisagana iti badyet ken panagkuenta kadagiti paggastuan (kitaen iti 11.3.3).

Dagiti Klase ti Domingo

Sikakararag nga ikeddeng dagiti bishopric ken nataengan a lider ti Young Women no kasano ti mangbukel kadagiti klase segun iti edad. Ibilangda dagiti gundaway ti panangidaulo para kadagiti agtutubo a babbai. Tunggal klase, ania man ti kadakkelna, nasken nga addaan iti maysa a presidente ken, no mabalin, maysa wenno dua a mamagbaga ken maysa a secretary (kitaen iti 11.1.3).

Serbisio ken dagiti Aktibidad

Dagiti panguluen ti klase, a suportaran dagiti nataengan a lider, ti mangplano iti serbisio ken dagiti aktibidad a mangpatibker kadagiti pammaneknek, mangpapigsa kadagiti pamilia, mangpataud iti panagkaykaysa ti klase, ken mangipaay kadagiti gundaway a mangbendision kadagiti dadduma (kitaen iti 11.2.1.3). Ti serbisio ken dagiti aktibidad ket maysa a gundaway a mangummong kadagiti agtutubo ken mangibinglay iti rag-o iti panagbiag iti ebanghelio ken pannakiraman iti naindaklan nga aramid ti Apo.

Dagiti Pangiwanwan ken Annuroten

Amin a nataengan a makipagtrabaho kadagiti ubbing ken agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipapan kadagiti agtutubo a babbai nga addaan iti pagkurangan, dagiti youth emblems ken dadduma pay ket masapulan iti benneg 11.6 ti Sapasap a Handbook.