Eddo ko

Irooj ej m̧ōņōņō kōn wūjlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļein eddo ko ilo kūr eo am̧.

Jibadbad eo an Doulul eo an Jiron̄ ro

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro kōm̧m̧an im kōjparok bujen ko rekwojarjar im kam̧wūlaļļo̧k oktak tok eo aer n̄an Jisōs Kraist im gospel eo An. Ilo kūlaaj ko aer, jiron̄ ro rej jipan̄ doon, kakūrm̧ool eddo ko an bujen eo, kalōk bōro kuk, im ekkatak im mour kōn katak eo. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 11.1.1.)

Rijeje

Rijeje an Doulul eo an Jiron̄ ro ej jipan̄ būreejtōn eo kōpooje agenda eo, je note ko, im etali jerbal ko n̄an kweilo̧k ko an būreejtōnji eo. Ej barāinwōt leļo̧k kōmeļeļe ko n̄an rijeje ro an kūlaaj, jipan̄ er ļo̧ki peba in reko̧o̧te in ro rej pād ilo kūlaaj, im jipan̄ būreejtōn an Doulul eo an Jiron̄ ro kōpooje juon bajet im akkaun n̄an jāān ko kōjerbali (lale 11.3.3).

Kūlaaj ko ilo Jabōt

Bisoprik ro im ritōl ro rerūtto ilo Doulul eo an Jiron̄ ro rej lukkuun jar im kāālet wāween n̄an karōk kūlaaj ko ekkar n̄an iiō ko. Rej ļōmņak kōn iien ko rem̧m̧an an ritōl n̄an jiron̄ ro. Kajjojo kūlaaj, jekdo̧o̧n jon̄an, ej aikuj wōr juon būreejtōn im, ijo ekkar, juon ak ruo rikakpilōklōk im juon rijeje (lale 11.1.3).

Jerbal in jipan̄ im M̧akūtkūt ko

Kūlaaj būreejtōnji ro, kōn jipan̄ jān ritōl ro rerūtto, rej karōk jerbal in jipan̄ ko im m̧akūtkūt ko me rej kalōk naan in kam̧ool ko, kōkajoorļo̧k baam̧le ko, dāpij ippān doon, im leļo̧k iien ko rem̧m̧an n̄an kōjeraam̧m̧an ro jet (lale 11.2.1.3). Jerbal in Jipan̄ im m̧akūtkūt ko rej iien ko rem̧m̧an n̄an aiintok jodikdik ro im kwaļo̧k lan̄lōn̄ eo an mour kōn gospel eo im bōk koņaad ilo jerbal in eļap an Irooj.

Unin Tōl im Kakien Ko

Aolep rūtto ro rej jerbal ippān ajri ro im jodikdik ro rej aikuj kadedeikļo̧k kaminene eo n̄an Kōjparok Ajri ro im Jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org). Unin tōl ko im kakien ko kōn jiron̄ ro ewōr m̧ōjņo̧ ilo ānbwin, kōkkaļļe ko an jodikdik ro, im ebar lōn̄ maron̄ loi ilo jākjen 11.6 an Bok in Bōk Meļeļe Eļap.