Akong Calling isip usa ka Presidente sa Korum sa mga Elder

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Korum sa mga Elder

Ang Melchizedek nga Pagkapari nagtabang sa mga anak sa Dios nga mangandam sa pagbalik ngadto sa Iyang presensiya. Ang mga sakop sa korum sa mga elder magtambayayong sa pagtabang sa pagtuman sa buhat sa Dios sa kaluwasan ug kahimayaan. Sila moserbisyo sa uban, motuman sa mga katungdanan sa pagkapari, molig-on sa panaghiusa, ug magkat-on ug mosunod sa doktrina (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 8.1).

Presidente sa Korum sa mga Elder

Ang presidente sa korum sa mga elder motudlo sa mga sakop sa korum sa ilang mga katungdanan sa pagkapari. Ang iyang mga responsibilidad naglakip usab sa pagserbisyo diha sa konseho sa ward; pag-organisar sa mga paningkamot uban sa kapangulohan sa Relief Society, ug pagdumala sa pagpangalagad, mga kalihokan, mga report, mga rekord, ug sa mga panalapi. Ang iyang mga magtatambag ug secretary moabag kaniya (tan-awa sa 8.3.3.2).

Kapangulohan

Ang kapangulohan sa korum sa mga elder ug ang secretary magmiting kanunay. Ang pagtabang sa umaabot nga mga elder nga mangandam sa pagdawat sa Melchizedek nga Pagkapari mao ang usa sa labing taas nga mga prayoridad sa kapangulohan sa korum (tan-awa sa 8.4).

Korum sa mga Elder ug Relief Society

Ang mga kapangulohan korum sa mga elder ug sa Relief Society makigsabot sa mga buluhaton sa pagpangalagad ug nagtabang sa paggiya sa buhat sa templo ug family history ug mga paningkamot sa pagdapit sa tanan nga makadawat sa mga panalangin sa ebanghelyo. Aduna usab silay mahinungdanong tahas sa pagtudlo sa mga miyembro sa ward sa mga baroganan sa pagpangalagad, mga interbiyo sa pagpangalagad, sa pagsunod sa balaod sa puasa, sa pagpalambo sa pagbarog pinaagi sa kinaugalingong paningkamot, ug sa pagdugang sa personal ug pamilya nga pagpangandam (tan-awa 22.6.2).

Mga Miting sa Dominggo

Ang mga korum sa mga elder magmiting sa ikaduha ug ikaupat nga mga Dominggo sa bulan aron sa pagpalambo sa hugot nga pagtuo diha ni Jesukristo, pag-ugmad og panaghiusa, ug paglig-on sa mga pamilya ug mga panimalay. Ang kapangulohan sa korum sa mga elder mainampoong mopili og mga mensahe gikan sa labing bag-o nga kinatibuk-ang komperensiya aron hisgotan base sa mga panginahanglan sa mga miyembro (tan-awa sa 8.2.1.2).

Serbisyo ug mga Kalihokan

Ang mga kapangulohan sa korum sa mga elder mahimong magplano og mga kalihokan sa pagpalig-on sa mga sakop sa korum ug makahatag nila og mga oportunidad sa pagtambayayong sa pagserbisyo (tan-awa sa 8.2.1.3).

Dugang nga mga Calling

Ang bishop ug ang presidente sa korum sa mga elder maghisgot sa panginahanglan alang sa dugang nga mga calling kon gikinahanglan (tan-awa sa 8.3.5).