Noqu Veikacivi vakaPeresitedi ni Kuoramu ni iTalatala Qase

iTavi eso

E vakavinavinakataka na Turaga ena nomu lomasoli mo veiqaravi ena Nona Lotu. Na ivakamacala raraba ni itavi ena nomu veikacivi.

iNaki ni Kuoramu ni iTalatala Qase

Sa vukei ira na luve ni Kalou na Matabete i Melikiseteki me vakavakarau mera lesu tale ki na Nona iserau. Era cakacaka vata na lewe ni kuoramu ni italatala qase me vukea na vakayacori ni Nona cakacaka ni veivakabulai kei na bula vakacerecerei na Kalou. Era qaravi ira na tani, vakayacora na itavi ni matabete, tara cake na duavata, ka vulica ka bulataka na ivunau (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 8.1).

Peresitedi ni Kuoramu ni iTalatala Qase

Ena vakavulici ira na lewe ni kuoramu o peresitedi ni kuoramu ni italatala qase ena nodra itavi vakamatabete. Na nona itavi e oka talega kina na veiqaravi ena matabose ni tabanalevu; tauyavutaki ni sasaga vata kei iratou na mataveiliutaki ni iSoqosoqo ni Veivukei; ka raica raraba na veiqaravi, itaviqaravi, ripote, ivolatukutuku, kei na veika vakailavo. Erau na vukei koya na nona daunivakasala kei na sekeriteri (raica na 8.3.3.2).

Mataveiliutaki

Na sota wasoma na mataveiliutaki ni kuoramu ni talatala qase kei na sekeriteri. Na vukei ni talatala qase namaki me ra vakavakarau ni ciqoma na Matabete i Melikiseteki e sa dua na ituvatuva cecere sara ni mataveiliutaki ni kuoramu (raica na 8.4).

Kuoramu ni iTalatala Qase kei na iSoqosoqo ni Veivukei

Na mataveiliutaki ni iSoqosoqo ni Veivukei kei na kuoramu ni italatala qase e ratou na tuvanaka na ilesilesi ni veiqaravi ka veivuke ena kena liutaki na cakacaka ni valetabu kei na tuva kawa kei na sasaga mera sureti na tamata kecega me ra ciqoma na veivakalougatataki ni kosipeli. Sa tiko talega na nodratou itavi bibi ena nodratou vakavulici ira na lewe ni tabanalevu ena ivakavuvuli ni nodra qaravi na vakaleqai tu, bulataki ni lawa ni lolo, tarai cake ni bula rawati koya, kei na vakavakarautaki ni tamata yadua kei na matavuvale (raica na 22.6.2).

Soqoni ena Sigatabu

Era sota na Kuoramu ni italatala qase ena ikarua kei na ikava ni Sigatabu ena inaki me vakalevutaki kina na vakabauti Jisu Karisito, toroi cake na duavata, ka vakaqaqacotaki na matavuvale kei na itikotiko. Eratou na digitaka ena masumasu na mataveiliutaki ni kuoramu ni italatala qase na itukutuku mai na koniferedi raraba se qai oti toka ga oqo me veivosakitaki kina ka yavutaki ena nodra gagadre na lewenilotu (raica na 8.2.1.2).

Veiqaravi kei na iTaviqaravi

Sa rawa vei iratou na mataveiliutaki ni kuoramu ni italatala qase me ratou tuvanaka na itaviqaravi mera vaqaqacotaki kina na lewe ni kuoramu ka solia vei ira na madigi mera veiqaravi vata (raica na 8.2.1.3).

iKuri ni Veikacivi

Me rau veivosakitaka o bisopi kei peresitedi ni kuoramu ni italatala qase na kena gadrevi na ikuri ni veikacivi kevaka e gadrevi vakakina (raica na 8.3.5).