ការហៅរបស់ខ្ញុំជាប្រធានកូរ៉ុមអែលឌើរ
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះការស្ម័គ្រចិត្តរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងរបស់កូរ៉ុមអែលឌើរ
បព្វជិតភាពម៉ិលគីស្សាដែកជួយបុត្រាបុត្រីរបស់ព្រះឲ្យរៀបចំខ្លួន ដើម្បីត្រឡប់ទៅទីវត្តមានរបស់ទ្រង់វិញ ។ សមាជិកនៃកូរ៉ុមអែលឌើរធ្វើការរួមគ្នាដើម្បីជួយសម្រេចកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។ ពួកគេបម្រើដល់អ្នកដទៃ បំពេញតាមកាតព្វកិច្ចបព្វជិតភាព បង្កើតសាមគ្គីភាព និងរៀន ហើយរស់នៅតាមគោលលទ្ធិ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ៨.១ ) ។
ប្រធានកូរ៉ុមអែលឌើរ
ប្រធានកូរ៉ុមអែលឌើរបង្រៀនសមាជិកកូរ៉ុមអំពីកាតព្វកិច្ចបព្វជិតភាពរបស់ពួកគេ ។ ការទទួលខុសត្រូវរបស់គាត់ក៏រួមមានការបម្រើនៅក្រុមប្រឹក្សាវួដ ការរៀបចំការងារជាមួយគណៈប្រធានសមាគមសង្គ្រោះ និងមើលខុសត្រូវលើការងារបម្រើ សកម្មភាព របាយការណ៍ កំណត់ត្រា និងហិរញ្ញវត្ថុទាំងឡាយ ។ ទីប្រឹក្សា និងលេខារបស់គាត់ជួយដល់គាត់ ( សូមមើល ៨.៣.៣.២ ) ។
គណៈប្រធាន
គណៈប្រធានកូរ៉ុមអែលឌើរ និងលេខាជួបគ្នាជាទៀងទាត់ ។ ការជួយរៀបចំពួកអែលឌើរបម្រុងឲ្យទទួលបព្វជិតភាពម៉ិលគីស្សាដែក ជាអាទិភាពមួយក្នុងចំណោមអាទិភាពសំខាន់បំផុតរបស់គណៈប្រធានកូរ៉ុម ( សូមមើល ៨.៤ ) ។
កូរ៉ុមអែលឌើរ និងសមាគមសង្គ្រោះ
គណៈប្រធានសមាគមសង្គ្រោះ និងកូរ៉ុមអែលឌើរសម្របសម្រួលការចាត់តាំងការងារបម្រើ និងជួយដឹកនាំកិច្ចការព្រះវិហារបរិសុទ្ធ និងពង្សប្រវត្តិ និងកិច្ចខិតខំដើម្បីអញ្ជើញមនុស្សទាំងអស់ឲ្យទទួលបានពរជ័យនៃដំណឹងល្អ ។ ពួកគាត់ក៏មានតួនាទីយ៉ាងសំខាន់ក្នុងការបង្រៀនសមាជិកវួដនូវគោលការណ៍នៃការងារបម្រើ ការរស់នៅតាមច្បាប់នៃការតមអាហារ ការស្ថាបនាភាពខ្លួនទីពឹងខ្លួន និងការបង្កើនការរៀបចំខ្លួនផ្ទាល់ខ្លួន និងជាគ្រួសារផងដែរ ( សូមមើល ២២.៦.២ ) ។
ការប្រជុំនៅថ្ងៃអាទិត្យ
កូរ៉ុមអែលឌើរជួបជុំគ្នានៅថ្ងៃអាទិត្យទីពីរ និងទីបួនប្រចាំខែ ដើម្បីបង្កើនសេចក្ដីជំនឿ បង្កើតសាមគ្គីភាព និងពង្រឹងដល់ក្រុមគ្រួសារ និង គេហដ្ឋាន ។ គណៈប្រធានកូរ៉ុមអែលឌើរ អធិស្ឋានជ្រើសរើសសារលិខិតមកពីសន្និសីទទូទៅថ្មីៗបំផុតដើម្បីពិភាក្សាដោយផ្អែកលើតម្រូវការរបស់សមាជិក ( សូមមើល ៨.២.១.២ ) ។
ការបម្រើ និងសកម្មភាពនានា
គណៈប្រធានកូរ៉ុមអែលឌើរអាចដាក់ផែនការធ្វើសកម្មភាពនានាដើម្បីពង្រឹងសមាជិកកូរ៉ុម និងផ្តល់ឱកាសឲ្យពួកគេបម្រើជាមួយគ្នា ( សូមមើល ៨.២.១.៣ ) ។
ការហៅបម្រើបន្ថែម
ប៊ីស្សព និង ប្រធានកូរ៉ុមអែលឌើរ ពិភាក្សាអំពីតម្រូវការនៃការហៅបម្រើបន្ថែម តាមដែលចាំបាច់ ( សូមមើល ៨.៣.៥ ) ។