Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Korum sa mga Elder

Ang Melchizedek nga Pagkapari nagtabang sa mga anak sa Dios nga mangandam sa pagbalik ngadto sa Iyang presensya. Ang mga sakop sa korum sa mga elder magtambayayong sa pagtabang sa pagtuman sa buhat sa Dios sa kaluwasan ug kahimayaan. Sila moserbisyo sa uban, motuman sa mga katungdanan sa pagkapari, molig-on sa panaghiusa, ug magkat-on ug mosunod sa doktrina (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 8.1).

Secretary sa Korum sa mga Elder

Ang kapangulohan sa korum sa mga elder ug ang secretary magmiting kanunay. Ang mga responsibilidad sa secretary mahimong maglakip sa pag-andam sa mga agenda, pagsulat og mugbo nga mga sulat, pagsubay sa mga buluhaton, pag-eskedyul og mga interbiyo sa pagpangalagad, pag-andam ug pagsumiter sa mga report sa nanambong, ug pagtabang sa pag-andam og badyet (tan-awa sa 8.3.4).

Mga Miting sa Dominggo

Ang mga korum sa mga elder magmiting sa ikaduha ug ikaupat nga mga Dominggo sa bulan sa pagpalambo sa hugot nga pagtuo, pag-ugmad og panaghiusa, ug paglig-on og mga pamilya ug mga panimalay. Ang kapangulohan sa korum sa mga elder mainampoong mopili og mga mensahe gikan sa labing bag-o nga kinatibuk-ang komperensiya aron hisgotan base sa mga panginahanglan sa mga miyembro (tan-awa sa 8.2.1.2).

Serbisyo ug mga Kalihokan

Ang mga kapangulohan sa elders quorum mahimong magplano og mga kalihokan sa pagpalig-on sa mga sakop sa korum ug makahatag nila og mga oportunidad sa pagtambayayong sa pagserbisyo (tan-awa sa 8.2.1.3).