Noqu Veikacivi vaka Sekeriteri ni Kuoramu ni iTalatala Qase
iTavi eso
E vakavinavinakataka na Turaga ena nomu lomasoli mo veiqaravi ena Nona Lotu. Sa koto e ra e dua na rai raraba ni itavi ena nomu veikacivi.
iNaki ni Kuoramu ni iTalatala Qase
Sa vukei ira na luve ni Kalou na Matabete i Melikiseteki me vakavakarau mera lesu tale ki na Nona iserau. Era cakacaka vata na lewe ni kuoramu ni italatala qase me vukea na vakayacori ni Nona cakacaka ni veivakabulai kei na bula vakacerecerei ni Kalou. Era qaravi ira na tani, vakayacora na itavi ni matabete, tara cake na duavata, ka vulica ka bulataka na ivunau (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 8.1).
Sekeriteri ni Kuoramu ni iTalatala Qase
Na sota wasoma na mataveiliutaki ni kuoramu ni talatala qase kei na sekeriteri. Na itavi nei sekeriteri e rawa ni oka kina na vakarautaki ni lewe ni bose, volai itukutuku, vakadikevi ni ilesilesi, tuvanaki ni veivakatarogi ni veiqaravi, vakarautaki kei na vakau ni ripote ni tiko rawa, kei na kena vakarautaki e dua na ilavovakarau (raica na 8.3.4).
Soqoni ena Sigatabu
Era sota na kuoramu ni italatala qase ena ikarua kei na ikava ni Sigatabu ena na inaki me vakalevutaki kina na vakatuburi na vakabauta, toroi cake na duavata, ka vakaqaqacotaki na matavuvale kei na itikotiko. Eratou na digitaka ena masumasu na mataveiliutaki ni kuoramu ni italatala qase ena itukutuku mai na koniferedi raraba se qai oti toka ga oqo me veivosakitaki kina ka yavutaki ena nodra gagadre na lewenilotu (raica na 8.2.1.2).
Veiqaravi kei na iTaviqaravi
Sa rawa vei iratou na mataveiliutaki ni kuoramu ni italatala qase me ratou tuvanaka na itaviqaravi me ra vaqaqacotaki kina na lewe ni kuoramu ka solia vei ira na madigi me ra veiqaravi vata (raica na 8.2.1.3).