ការហៅរបស់ខ្ញុំជាលេខាកូរ៉ុមអែលឌើរ
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងរបស់កូរ៉ុមអែលឌើរ
បព្វជិតភាពម៉ិលគីស្សាដែកជួយបុត្រាបុត្រីរបស់ព្រះឲ្យរៀបចំខ្លួន ដើម្បីត្រឡប់ទៅទីវត្តមានរបស់ទ្រង់វិញ ។ សមាជិកនៃកូរ៉ុមអែលឌើរធ្វើការរួមគ្នាដើម្បីជួយសម្រេចកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។ ពួកគេបម្រើដល់អ្នកដទៃ បំពេញតាមកាតព្វកិច្ចបព្វជិតភាព កសាងសាមគ្គីភាព និងរៀន ហើយរស់នៅតាមគោលលទ្ធិ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ៨.១ ) ។
លេខាកូរ៉ុមអែលឌើរ
គណៈប្រធានកូរ៉ុមអែលឌើរ និងលេខាជួបគ្នាជាទៀងទាត់ ។ ការទទួលខុសត្រូវរបស់លេខាអាចរួមមាន ការរៀបចំរបៀបវារៈ ការកត់ត្រា តាមដានការចាត់តាំងនានា ការរៀបចំកាលវិភាគសម្ភាសការងារបម្រើ ការរៀបចំ និងការបញ្ជូនរបាយការណ៍អ្នកចូលរួម និងការជួយរៀបចំថវិកា ( សូមមើល ៨.៣.៤ ) ។
ការប្រជុំនៅថ្ងៃអាទិត្យ
កូរ៉ុមអែលឌើរជួបជុំគ្នានៅថ្ងៃអាទិត្យទីពីរ និងទីបួននៃខែ ដើម្បីបង្កើនសេចក្ដីជំនឿ ស្ថាបនាសាមគ្គីភាព និងពង្រឹងដល់ក្រុមគ្រួសារ និងគេហដ្ឋាន ។ គណៈប្រធានកូរ៉ុមអែលឌើរជ្រើសរើសសារលិខិតមកពីសន្និសីទទូទៅថ្មីបំផុតប្រកបដោយការអធិស្ឋាន ដើម្បីពិភាក្សាដោយផ្អែកលើតម្រូវការរបស់សមាជិក ( សូមមើល ៨.២.១.២ ) ។
ការបម្រើ និងសកម្មភាពនានា
គណៈប្រធានកូរ៉ុមអែលឌើរអាចដាក់ផែនការធ្វើសកម្មភាពនានាដើម្បីពង្រឹងសមាជិកកូរ៉ុម និងផ្តល់ឱកាសឲ្យពួកគេបម្រើជាមួយគ្នា ( សូមមើល ៨.២.១.៣ ) ។