Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Jibadbad eo an Doulul eo an Elder ro

Melkisedek Priesthood eo ej jipan̄ ajri ro nejin Anij kōppopo n̄an jepļaakļo̧k n̄an Ippān. Ro uwaan doulul eo an elder ro rej jerbal ippān doon n̄an jipan̄ kōttōprak jerbal in lo̧mo̧o̧r eo an Anij im mour ijo eutiej tata. Rej jerbal n̄an ro jet, kakūrm̧ool jerbal ko an priesthood eo, kalōk bōro kuk, im katak im mour kōn katak eo (lale Bok in Bōk Meļeļe: Jerbal ilo Kabun̄ eo an Jisōs Kraist im Armej ro Rekowjarjar ilo Raan Ko Āliktata, 8.1).

Rijeje eo an Doulul eo an Elder ro

Būreejtōn eo an doulul eo an elder ro im rijeje eo emakijkij aer kweilo̧k ippān doon. Eddo ko an rijeje eo emaron̄ kōpooj laajrak in kweilo̧k ko, ebbōk kakeememej ko, etale ļo̧kan ijjitōk ko, jikejuuļi intōrpiu ko an jerbal in karejar, kōpooj im jilkinļo̧k riboot ko an ro rej kobaļo̧k, im jipan̄ kōpooj juon bajet (lale 8.3.4).

Kweilo̧k ko an Jabōt

Doulul eo an elder ro rej kweilo̧k ilo Jabōt ruo im emen ilo juon allōn̄ n̄an kōļapļo̧k tōmak, kalōk bōro kuk, im kōkajoorļo̧k baam̧ļe ko im im̧ōko. Būreejtōnji eo an doulul eo an elder ro rej jar ilo kāālet ennaan ko jān kweilo̧k eo eļap ekāāl tata n̄an ekōnono pedped ioon aikuj ko an membōr ro (lale 8.2.1.2).

Jerbal in jipan̄ im M̧akūtkūt ko

Būreejtōnji ro an doulul eo an elder ro remaron̄ karōk m̧akūtkūt ko n̄an kōkajoorļo̧k ro uwaan doulul eo im leļo̧k n̄an er iien ko rem̧m̧an n̄an jerbal ippān doon (lale 8.2.1.3).