iTukutuku mai na Mataveiliutaki Taumada

Kemuni na Taciqu kei na Ganequ:

Sa vakarota na Turaga, “Ka sa noqu inaki meu vakarautaka me yaga vei ira na noqu yalododonu” (V&V 104 :15). Na ivakatakila oqo e dua na yalayala mai vua na Turaga ni na vakarautaka na veivakalougatataki vakayago ka dolava na katuba kina bula rawati koya, ni sa ikoya na yavu meda na rawata kina na veika ena gadrevi meda na bula tiko kina o keda kei ira na noda lewe ni matavuvale.

Sa vakarautaki na ivolalailai oqo me vukei ira na lewe ni Lotu me ra vulica ka bulataka na ivakavuvuli ni vakabauta, na vuli, na cakacaka vagumatua, kei na vakararavi vua na Turaga. Na kena ciqomi ka bulataki na ivakavuvuli oqo ena vukei iko sara vakalevu mo na ciqoma na veivakalougatataki vakayago sa yalataka tu na Turaga.

Keitou sa sureti kemuni yani mo ni vulica vagumatua ka bulataka na ivakavuvuli oqo ka vakavulici ira kina na lewe ni nomuni matavuvale. Nomu vakayacora vakakina, ena vakalougatataki na nomu bula. Ko na vulica kina na nomu imoimoi ena sala torocake ni bula rawati koya. Ko na vakalougatataki ena vakanuinui e levu cake, na yalo vakacegu kei na toso ki liu.

Mo na vakadeitaki iko ni ko luvena dina na Tamada Vakalomalagi. E lomani iko o Koya ka na sega vakadua ni biuti iko. O Koya e kilai iko ka sa vakarau tu me solia mai vei iko na veivakalougatataki vakayalo vakayago ni bula rawati koya.

Wekamuni dina,

Na Mataveiliutaki Taumada