Kemuni na Taciqu kei na Ganequ:

Sa vakarota na Turaga,“sa noqu inaki meu vakarautaka na veika oqo me yaga vei ira na noqu tamata” (V&V 104 :15). Na ivakatakila oqo e dua na iyalayala mai vua na Turaga ni na vakarautaka na veivakalougatataki vakayago ka dolava na katuba kina bula rawati koya, ni sa ikoya na yavu meda na rawata kina na veika ena gadrevi meda na bula tiko kina o keda kei ira na noda lewe ni matavuvale.

Sa vakarautaki na ivolalailai oqo me vukei ira na lewe ni Lotu mera vulica ka bulataka na ivakavuvuli ni vakabauta, na vuli, na cakacaka vagumatua, kei na vakararavi vua na Turaga. Na kena ciqomi ka bulataki na ivakavuvuli oqo ena vukei iko sara vakalevu mo na ciqoma na veivakalougatataki vakayago e a sa yalataka tu na Turaga.

Keitou sureti iko mo vulica vagumatua ka bulataka na veivakavuvuli ka vakavulica vei ira na leweni nomu matavuvale. Nomu vakayacora vakakina, ena vakalougatataki na nomu bula. O na vulica mo vakayacora na veika oqo ena nomu sala ki na bula rawati koya cecere. Ko na vakalougatataki ena nuinui, vakacegu kei na toso ki liu.

Yalovinaka mo kakua ni vakatitiqataka ni o iko o luvena na Tamada mai Lomalagi. E lomani iko o Koya ka na sega vakadua ni biuti iko. E kilai iko ka sa tu vakarau me dodoka yani vei iko na veivakalougatataki ni bula rawati iko.

Wekamuni dina,

Na Mataveiliutaki Taumada

Tabaka na Lotu i Jisu Karisito ni Yalododonu Edaidai
Salt Lake City, Utah

© 2014, 2015 mai na Intellectual Reserve, Inc.
Dodonu kece e taqomaki.

Vakadonui me Vakavalagi: 3/15
Vakadonui me vakadewa: 3/15
Vakadewa ni My Path to Self-Reliance
Fijian
12378 858